ପୁରୀ ଅଫିସ,୨୨।୨: ପୁରୀ ଅଫିସ,୨୧ା୨
ପଶ୍ଚିମବଙ୍ଗର ଏକ ସମ୍ପ୍ରଦାୟ ରହିଛି, ଯେଉଁମାନଙ୍କର କୌଳିକ ବୃତ୍ତି ହେଉଛି ପାଣିରେ ହଜିଯାଇଥିବା ଜିନିଷ ଖୋଜି ବାହାର କରିବା। ଗାଧୋଇବା ସମୟରେ ହେଉ ଅବା ଅନ୍ୟ କୌଣସି କାରଣ ପାଇଁ ଯଦି କାହାର କିଛି ସାମଗ୍ରୀ ନଦୀ, ପୋଖରୀରେ ପଡିଯାଏ ତେବେ ଏମାନଙ୍କୁ ଡକାଯାଏ। ପଶ୍ଚିମବଙ୍ଗରେ ଏହି ସମ୍ପ୍ରଦାୟର ଲୋକଙ୍କୁ ଡୁବୁରୀ ବୋଲି କୁହାଯାଏ। ଗୋଲାପଡ଼ଙ୍ଗା ଗଁ। ର ବିଧବା ମହିଳା ନିଲୁ। ଏକଦା ପୋଖରୀରେ ଗାଧୋଉଥିବା ବେଳେ ତାଙ୍କ କାନଫୁଲ ଖସିପଡିଥିଲା। ଏହାକୁ ଖୋଜିବା ପାଇଁ ଗୋଲାପଡଙ୍ଗା ଗଁ। ରେ ପହଞ୍ଚିଲେ ସନାତନ। ପୋଖରୀରେ ପଶି ଦୀର୍ଘସମୟ ଖୋଜିଲେ କିନ୍ତୁ ନିଲୁଙ୍କ କାନଫୁଲ ପାଇଲେ ନାହିଁ। ପରମ୍ପରା ରହିଛି ଡୁବୁରୀମାନେ ଦିନକୁ କେବଳ ଥରେ ହିଁ ଖୋଜିବେ। ଏମିତି ସପ୍ତାହେ ବିତିଗଲା କିନ୍ତୁ ସନାତନ ପୋଖରୀରୁ କାନଫୁଲ ପାଇଲେ ନାହିଁ। ଏଥିପାଇଁ ତାଙ୍କୁ ନିଲୁଙ୍କ ଘରେ ରହିବାକୁ ପଡିଲା। ବିଧବା ନିଲୁ ବି ମାନସିକସ୍ତରରେ ସର୍ବଦା ଅସହାୟତା ଅନୁଭବ କରୁଥିଲେ। ବେଳେ ବେଳେ ଉଦାସରେ ରହୁଥିବା ନିଲୁଙ୍କୁ ବୁଝିପାରିଥିଲେ ସନାତନ। ଜଣେ ଅପରିଚିତ ଥିଲେ ବି ନିଲୁଙ୍କୁ ମାନସିକ ଦୁଶ୍ଚିନ୍ତାରୁ ମୁକୁଳାଇବା ପାଇଁ ଚେଷ୍ଟା କରିଥିଲେ। ଏମିତି ଏକ କାହାଣୀ ଉପରେ ପର୍ଯ୍ୟବସିତ ବେଙ୍ଗଲୀ ଚଳଚ୍ଚିତ୍ର ଡୁବୁରୀ ପ୍ରଦର୍ଶିତ ହୋଇଥିଲା ୧୭ତମ ବ୍ରିଙ୍ଗ ୟୋର ଓନ୍ ଫିଲ୍ମ ଫେଷ୍ଟିଭାଲ (ବାଏଅଫ୍)ର ଉଦ୍ଘାଟନୀ ସନ୍ଧ୍ୟାରେ। ହୋଟେଲ ପିଙ୍କ୍ ହାଉସ ସଂଲଗ୍ନ ବେଳାଭୂମିରେ ପ୍ରଦର୍ଶିତ ଏହି କଳା ଧଳା ଚଳଚ୍ଚିତ୍ରର ନିର୍ଦ୍ଦେଶକ ଥିଲେ କ୍ରିଷ୍ଣେନ୍ଦୁ ଦତ୍ତ। ୭୬ ମିନିଟ୍ର ଏହି ଚଳଚ୍ଚିତ୍ରରେ ନିର୍ଦ୍ଦେଶକ ଜଣେ ବିଧବା ମହିଳାଙ୍କ ବାସ୍ତବରେ କିପରି ନିଃସଙ୍ଗ ଜୀବନ ବିତାଇଥାନ୍ତି ତାହା ଦର୍ଶାଇଛନ୍ତି। ସେହିପରି ଉଦ୍ଘାଟନୀ ସନ୍ଧ୍ୟାର ପ୍ରଥମ ଚଳଚ୍ଚିତ୍ର ଭାବେ ଶିରିନ ନିଶାତଙ୍କ ‘ଓମେନ ଉଇଦ୍ଆଉଟ ମେନ’ ଚଳଚ୍ଚିତ୍ରର ମଧ୍ୟ ସ୍କ୍ରିନିଂ କରାଯାଇଥିଲା। ଏହାର ଅବଧି ଥିଲା ୯୫ ମିନିଟ୍।
ଚଳଚ୍ଚିତ୍ରର ସ୍କ୍ରିନିଂ ପୂର୍ବରୁ ବାଏଅଫ୍ର ଉଦ୍ଘାଟନୀ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଭିଏନାର କବି ଏବଂ ଐତିହାସିକ ୟୁଟି ଏଶିଙ୍ଗର ବାଏଅଫ୍କୁ ଉଦ୍ଘାଟନ କରି ଏଭଳି ଆୟୋଜନକୁ ପ୍ରଶଂସା କରିଥିଲେ। ବାଏଅଫ୍ର ୧୭ବର୍ଷର ସଂଘର୍ଷମୟ ଯାତ୍ରାକୁ ନେଇ ଇଣ୍ଡିଆନ ପୋଷ୍ଟ ଏକ କ୍ୟାମେଲ କ୍ୟାରେଡ କଭର ବାହାର କରିଥିବା ଆୟୋଜକ ସୁଶାନ୍ତ ମିଶ୍ର ଘୋଷଣା କରିଥିଲେ। ଏହା ନିଶ୍ଚିତ ଆମ ପାଇଁ ଏକ ଗୌରବର ବିଷୟ ବୋଲି ସେ କହିଥିଲେ। ଏଥିରେ ଅନ୍ୟମାନଙ୍କ ମଧ୍ୟରେ କପିଳାସ ଭୂୟଁ। , ରବୀନ୍ଦ୍ର କିଶୋର ସାହୁ ପ୍ରମୁଖ ଯୋଗଦେଇଥିଲେ।
ଏ ସମ୍ପର୍କରେ ଆୟୋଜକ ସୁଶାନ୍ତ ମିଶ୍ର କହିଛନ୍ତି, ଅନେକ ଲୋକ ଅଛନ୍ତି ଯେଉଁମାନେ କ୍ଷୁଦ୍ର ଚଳଚ୍ଚିତ୍ର ତିଆରି କରୁଛନ୍ତି କିନ୍ତୁ ପ୍ରଦର୍ଶନ ଲାଗି ସେମାନଙ୍କୁ ଉପଯୁକ୍ତ ପ୍ଲାଟଫର୍ମ ମିଳୁ ନାହିଁ। ବଡ଼ ବଡ଼ ଚଳଚ୍ଚିତ୍ର ମହୋତ୍ସବରେ ସେମାନଙ୍କୁ ନେଉନାହାନ୍ତି। ତେଣୁ ଏହିଭଳି ଚଳଚ୍ଚିତ୍ର ନିର୍ମାତାଙ୍କୁ ଦୃଷ୍ଟିରେ ରଖି ବାଏଅଫ୍ର ପରିକଳ୍ପନା କରାଯାଇଥିଲା। ପ୍ରତିବର୍ଷ ପ୍ରାୟ ୮୦/୯୦ଟି ଚଳଚ୍ଚିତ୍ରର ସ୍କ୍ରିନିଂ ହୁଏ। ଚଳିତବର୍ଷ ମଧ୍ୟ ବହୁ ସଂଖ୍ୟାରେ ଚଳଚ୍ଚିତ୍ର ପ୍ରଦର୍ଶନ କରାଯିବା ସମ୍ଭାବନା ରହିଥିବା ମିଶ୍ର କହିଛନ୍ତି।
