ନୂଆଗାଁ,୧୯।୧୦(ଡି.ଏନ୍.ଏ.): ନୟାଗଡ଼ ଜିଲା ନୂଆଗାଁ ଥାନା ଗଦାଧରପୁରଠାରେ ଶୁକ୍ରବାର ରାତିରେ ଏକ ଟ୍ରକ୍କୁ ବାଇକ୍ ପଛରୁ ଧକ୍କା ଦେଇଛି। ଫଳରେ ବାଇକ୍ ଚାଳକଙ୍କ ମୃତ୍ୟୁ ଘଟିଛି । ସେ ହେଲେ ନୂଆଗାଁ ଗ୍ରାମର ବିଷ୍ଣୁ କୁମାର ପରିଡ଼ା(୩୫)।
ମିଳିଥିବା ସୂଚନା ଅନୁସାରେ, ଗଦାଧରପୁରଠାରେ ଏକ ଟ୍ରକ (ଏପି୨୬ଟି୫୫୭୭)କୁ ଜାତୀୟ ରାଜପଥରେ ରଖି ଡ୍ରାଇଭର ଶୋଇପଡିଥିଲେ। ଏହି ସମୟରେ ବିଷ୍ଣୁ ବାଇକ(ଓଆର୨୫ ବି୨୨୪୬) ଯୋଗେ ନୂଆଗାଁ ଢାବା ହୋଟେଲରୁ ଖାଇ ନିଜ ଘରକୁ ଫେରୁଥିବା ବେଳେ ଭାରସାମ୍ୟ ହରାଇ ଟ୍ରକ୍କୁ ପଛରୁ ଧକ୍କା ଦେଇଥିଲା। ଫଳରେ ବିଷ୍ଣୁଙ୍କ ମୁଣ୍ଡରେ ଗଭୀର ଆଘାତ ଲାଗିବା ସହ ପ୍ରବଳ ରକ୍ତସ୍ରାବ ହୋଇଥିଲା। ଗୁରୁତର ଅବସ୍ଥାରେ ତାଙ୍କୁ ନୟାଗଡ଼ ମୂଖ୍ୟ ଚିକିତ୍ସଳୟରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି।
ନୂଆଗାଁ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଚୁରମାର ହୋଇଥିବା ବାଇକ ଓ ଟ୍ରକ୍କୁ ଜବତକରି ଥାନାକୁ ନେଇଛନ୍ତି।
