ଟେକ୍ନୋଲୋଜି ମଣିଷକୁ ସଭ୍ୟ କରିଛି ସତ। ହେଲେ ଏଇ ଟେକ୍ନୋଲୋଜି ବି କିଛି ମଣିଷକୁ ପାଗଳ ସଜେଇ ଦେଇଛି। ପରିସଂଖ୍ୟାନର ତଥ୍ୟ ଅନୁସାରେ ଏଭଳି ପାଗଳାମିର ମାତ୍ରା ଦିନକୁଦିନ ବଢ଼ି ଚାଲିଛି। ଦେଖନ୍ତୁ ଘଟଣାଟିଏ। ଜଣେ ଯୁବକ ଆଇପଡ଼ଟି କିଣିବା ପାଇଁ ନିଜର କିଡ୍ନୀ ବିକ୍ରି କରିଦେବାକୁ ପଛେଇ ନାହାନ୍ତି। ଘଟଣାଟି ଦକ୍ଷିଣ ଚାଇନାର ଚେନ୍ଝୁ ସିଟିରେ ଘଟିଛି। ଏଭଳି ଘଟଣା ଘଟେଇଥିବା ଯୁବକଙ୍କ ନଁା ଓ୍ବାଙ୍ଗ୍ ସାଙ୍ଗ୍କୁନ୍। ତାଙ୍କର ଆଇପଡ୍ ଭାରି ପ୍ରିୟ। ସେ ଆଇପଡ୍ କଥା ଶୁଣିଲେ ଭୋକଶୋଷ ଭୁଲିଯିବେ। ମାତ୍ର ପାରିବାରିକ ପରିସ୍ଥିତି ତାଙ୍କୁ କୌଣସି ସପୋର୍ଟ କରିପାରୁ ନ ଥିଲା। ଓ୍ବାଙ୍ଗ୍ ଯେମିତି ବି ହେଉ ଆଇପଡ୍ କିଣିବାକୁ ଇଚ୍ଛା କରୁଥିଲେ। ଦିନେ ଏକ ବିଜ୍ଞାପନ ତାଙ୍କ ନଜରକୁ ଆସିଲା; ଯେଉଁଥିରେ ଅଙ୍ଗ ପ୍ରତ୍ୟଙ୍ଗ ଖରିଦ କରାଯାଏ ବୋଲି ଉଲ୍ଲେଖ ରହିଥିଲା। ବିଜ୍ଞାପନଟି ଦେଖିବା ପରେ ଓ୍ବାଙ୍ଗ୍ ଖୁସିରେ ନାଚି ଉଠିଲେ। ବିଜ୍ଞାପନ ଦେଇଥିବା ସମ୍ପୃକ୍ତ ସଂସ୍ଥା ନିକଟରେ ପହଞ୍ଚତ୍ଲେ। ଆଉ ନିଜର କିଡ୍ନୀଟିକୁ ବିକ୍ରି କରିଦେଲେ। ଅବଶ୍ୟ ଏହି ଘଟଣା ଜଣା ପଡ଼ିବା ପରେ ସମ୍ପୃକ୍ତ ସଂସ୍ଥା ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା।