ମୁମ୍ବାଇ: ତାମିଲନାଡୁର ଦିବଙ୍ଗତ ମୁଖ୍ୟମନ୍ତ୍ରୀ ସ୍ବର୍ଗତା ଜୟଲଲିଥାଙ୍କ ସୋମବାର ୭୨ତମ ଜନ୍ମଦିନ। ଏହି ଅବସରରେ ବଲିଉଡ୍ କୁଇନ କଙ୍ଗନା ରଣାଓ୍ବତ ତାଙ୍କର ଅପ୍ କମିଂ ଫିଲ୍ମ ‘ଥାଲାଇବି’ରେ ଥିବା ତାଙ୍କ ଆଉ ଏକ ଲୁକ୍କୁ ଶେୟାର କରିଛନ୍ତି। ଏନେଇ ଇନ୍ଷ୍ଟାଗ୍ରାମ୍ରେ ସେ ଏକ ଫଟୋ ଶେୟାର କରିଛନ୍ତି। ରାଜନୀତିରେ ଆସିବା ପରେ ତାଙ୍କର ଲୁକ୍କୁ ଶେୟାର କରାଯାଇଛି। ଏଥିରେ କଙ୍ଗନା ଅବିକଳ ଜୟଲଳିଥାଙ୍କ ଯୁବବସ୍ଥା ସମୟର ଭଳି ଦେଖାଯାଉଥିବା ବେଳେ ଶାଢ଼ୀରେ ନଜର ଆସିଛନ୍ତି। ଏ.ଏଲ୍ ବିଜୟଙ୍କ ନିର୍ଦ୍ଦେଶିତ ଏହି ଫିଲ୍ମ ଜୟଲଲିଥାଙ୍କ ଜୀବନି ଉପରେ ଆଧାରିତ ହୋଇଛି। ଥାଲାଇବିରେ ଥିବା ଚରିତ୍ରକୁ ଜୀବନ୍ତ କରିବା ପାଇଁ କଙ୍ଗନା ବହୁ ପରିଶ୍ରମ କରୁଛନ୍ତି। ଏହି ଫିଲ୍ମ ତାଙ୍କ ପାଇଁ ଏକ ଚ୍ୟାଲେଞ୍ଜ ପାଲଟିଛି। ଅପରପକ୍ଷେ ଉକ୍ତ ଫିଲ୍ମ ଜୁନ୍ ୨୬ରେ ତାମିଲ, ହିନ୍ଦୀ ଓ ତେଲଗୁରେ ରିଲିଜ୍ ହେବ ବୋଲି ଜଣାପଡ଼ିଛି।
