ନୂଆଦିଲ୍ଲୀ,୧୬।୮(ପିଟି): ଭାରତୀୟ ସ୍ପ୍ରିଣ୍ଟ ସାଇକେଲିଂ ଦଳ ଜର୍ମାନୀର ଫ୍ରାଙ୍କଫର୍ଟଠାରେ ଚାଲିଥିବା ଜୁନିୟର ଟ୍ରାକ ସାଇକେଲିଂ ଚାମ୍ପିୟନଶିପ୍ରେ ଐତିହାସିକ ସ୍ବର୍ଣ୍ଣ ପଦକ ଜିତିବା ପରେ ଦେଶକୁ ଆଉ ଏକ ସଫଳତା ଆଣିଦେଇଛନ୍ତି ଇସୋ ଆଲବେନ। ପୁରୁଷ କେଇରିନ ଇଭେଣ୍ଟରେ ସେ ବ୍ରୋଞ୍ଜ ପଦକ ହାତେଇଛନ୍ତି। ୬ ଜଣ ସାଇକେଲ ଚାଳକଙ୍କ ମଧ୍ୟରେ ଅନୁଷ୍ଠିତ ଫାଇନାଲରେ ଆଲବେନ ଅଷ୍ଟ୍ରେଲିଆର ସାମ ଗାଲାଘର (ରୌପ୍ୟ) ଓ ଗ୍ରୀସର କୋନ୍ଷ୍ଟାଣ୍ଟିନୋ ଲିଭାନୋଜ (ଚାମ୍ପିୟନ)ଙ୍କ ପଛକୁ ରହିଥିଲେ। ଜୁନିୟର କେଇରିନ ଓ ସ୍ପ୍ରିଣ୍ଟ ବର୍ଗରେ ବିଶ୍ୱର ନଂ ୧ ସାଇକେଲିଷ୍ଟ ଆଲବେନ। ବୁଧବାର ବିଶ୍ୱସ୍ତରୀୟ ସାଇକେଲିଂ ଇଭେଣ୍ଟରେ ଭାରତ ପ୍ରଥମ ସ୍ବର୍ଣ୍ଣ ପଦକ ଜିତି ଇତିହାସ ସୃଷ୍ଟି କରିଥିଲା। ଇସୋ, ରୋନାଲ୍ଡୋ ସିଂ ଓ ରଜିତ ସିଂଙ୍କୁ ନେଇ ଗଠିତ ଭାରତୀୟ ଦଳ ପୁରୁଷ ସ୍ପ୍ରିଣ୍ଟ ଇଭେଣ୍ଟରେ ଶୀର୍ଷ ସ୍ଥାନ ହାସଲ କରିଥିଲେ। ଠିକ୍ ବର୍ଷେ ତଳେ ଆଣ୍ଡାମାନ ନିକୋବର ସାଇକେଲିଷ୍ଟ ପ୍ରଥମ ଭାରତୀୟ ଭାବେ ବିଶ୍ୱ ସାଇକେଲିଂ ଚାମ୍ପିୟନଶିପ୍ରେ ପଦକ ହାତେଇଥିଲେ।
