ଜଗନ୍ନାଥପ୍ରସାଦ,୧୨ା୧୧(ଡି.ଏନ.ଏ.)-ଜଗନ୍ନାଥପ୍ରସାଦ ଜଳିସାହିଠାରେ ଗତ ସୋମବାର ରାତି ୯ଟାରେ ଜଣେ ଯୁବକଙ୍କୁ ଛୁରାମାଡ଼ ହୋଇଥିଲା। ଏଥିରେ ପବନା ସେଠୀ (୨୫) ଗୁରୁତର ହୋଇଥିଲେ। ତାଙ୍କୁ ବ୍ରହ୍ମପୁର ବଡ଼ ମେଡିକାଲରେ ଭର୍ତ୍ତି କରାଯାଇଥିଲା। ପରେ କଟକ ମେଡିକାଲକୁ ନେବା ବାଟରେ ତାଙ୍କ ମୃତ୍ୟୁ ଘଟିଛି। ମୃତକଙ୍କ ମା ସେବତୀ ସେଠୀଙ୍କ ଏତଲା କ୍ରମେ ନଂ. ୧୯୨/୧୯ରେ ମାମଲା ରୁଜୁ କରି ପୋଲିସ ମୁଖ୍ୟ ଅଭିଯୁକ୍ତ ବସନ୍ତ ସେଠୀଙ୍କ ସମେତ ତାଙ୍କ ସହଯୋଗୀ ଶ୍ୱେତ ସେଠୀ, ଦିଲୀପ ସେଠୀ, ସନ୍ତୋଷ ସାମଲ, ଭାସ୍କର ସେଠୀ, ଅଭି ସେଠୀଙ୍କୁ ନେଇ ପଚରାଉଚରା କରୁଛି। ହତ୍ୟାରେ ବ୍ୟବହୃତ ଛୁରୀ ଓ ଅନ୍ୟ ଆକ୍ରମଣକାରୀ ଅସ୍ତ୍ର ଜବତ କରାଯାଇଛି।
ପ୍ରକାଶ ଯେ, ବସନ୍ତଙ୍କ ସ୍ତ୍ରୀଙ୍କୁ ପବନାଙ୍କ ପରିବାର ଗୁଣି କରିଥିବା ସନ୍ଦେହକରି ବସନ୍ତ ଗାଳିଗୁଲଜ କରିବା ସହ ଉଭୟ ପରିବାର ମଧ୍ୟରେ ଗଣ୍ଡଗୋଳ ଲାଗି ରହୁଥିଲା। ଏନେଇ ପବନାଙ୍କ ପରିବାର ଲୋକେ ବହୁବାର ଥାନାର ଦ୍ୱାରସ୍ତ ହୋଇଥିଲେ। ସୋମବାର ଜୁଆଖେଳ ଚାଲିଥିବା ବେଳେ ସଂଘବଦ୍ଧ ଭାବେ ପୁଅକୁ ମାରି ଦିଆଯାଇଥିବା ମୃତକଙ୍କ ମା ଅଭିଯୋଗ କରିିଛନ୍ତି। ମଙ୍ଗଳବାର ବ୍ରହ୍ମପୁର ବଡ଼ ମେଡିକାଲ ମୃତଦେହ ବ୍ୟବଚ୍ଛେଦ ହୋଇଥିବା ବେଳେ ଜଗନ୍ନାଥପ୍ରସାଦ ଥାନାଧିକାରୀ ପହଞ୍ଚତ୍ଛନ୍ତି।
