ବେଜିଂ,୩୦।୩: ଚାଇନାର ଉହାନର ମାଛ ବଜାରର ଚିଙ୍ଗୁଡ଼ି ବିକାଳି ମହିଳାଙ୍କଠାରୁ ମହାମାରୀ କରୋନା ସଂକ୍ରମଣ ବ୍ୟାପିଥିଲା। ୫୭ ବର୍ଷ ବୟସ୍କ ଓ୍ବିଇ ଗୁଇଜିଆନ୍ଙ୍କୁ ଥଣ୍ଡା ହୋଇଥିଲା। ସେ ଏହାକୁ ଅଣଦେଖା କରିଥିଲେ। ଏହା ସାଧାରଣ ଥଣ୍ଡା ବୋଲି ସେ ଧରିନେଇ ଏହାକୁ ଅଣଦେଖା କରିଥିଲେ। ପରବର୍ତ୍ତୀ ସମୟରେ ତାଙ୍କଠାରୁ କରୋନା ଅନ୍ୟ ମାନଙ୍କୁ ସଂକ୍ରମିତ ହୋଇଥିବାର ଅନୁମାନ କରାଯାଉଛି। ଓ୍ବିଇଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଥିଲା। ଗତ ଜାନୁୟାରୀରେ ସୁସ୍ଥ ହୋଇ ଘରକୁ ଫେରିଥିଲେ। ଗତ ଡିସେମ୍ବର ୧୦ରେ ସେ ଚିଙ୍ଗୁଡ଼ି ବିକ୍ରି କରୁଥିବା ସର୍ଭେ ରିପୋର୍ଟରୁ ଜଣାପଡ଼ିଛି। ତେବେ ମହିଳା ଜଣଙ୍କ ସର୍ବସାଧାରଣଙ୍କ ପାଇଁ ଉଦ୍ଦିଷ୍ଟ ଏକ ଶୌଚାଳୟରୁ ଫେରିବା ପରେ ଥଣ୍ଡାରେ ପୀଡ଼ିତ ହୋଇଥିବା କହିଥିଲେ। ଓ୍ବିଙ୍କଠାରୁ ଚିଙ୍ଗୁଡ଼ି ବଜାରର ୨୪ ଜଣଙ୍କୁ କରୋନା ସଂକ୍ରମିତ ହୋଇଥିଲା ବୋଲି କୁହାଯାଉଛି।
