ଟୋକିଓ,୧୩।୧୦: ଜାପାନରେ ଆସିଥିବା ଘୂର୍ଣ୍ଣିଝଡ଼ରେ ଏପର୍ଯ୍ୟନ୍ତ ପ୍ରାୟ ୧୧ ଜଣଙ୍କ ମୃତ୍ୟୁ ହୋଇଥିବା ବେଳେ ୧୭ରୁ ଊର୍ଦ୍ଧ୍ୱ ନିଖୋଜ ଥିବା ସରକାରୀ ଭାବେ ଘୋଷଣା କରାଯାଇଛି। ଟୋକିଓରେ ଘୂର୍ଣ୍ଣିଝଡ଼ ‘ହଗିବିସ’କୁ ନେଇ ହାଇ ଆଲର୍ଟ ଜାରି କରାଯାଇଥିଲା। ଏହାସହ ପ୍ରାୟ ୭୦ ଲକ୍ଷ ଲୋକଙ୍କୁ ସୁରକ୍ଷିତ ସ୍ଥାନକୁ ନିଆଯାଇଥିବା ଜଣାପଡିଛି। ତେବେ ଏହି ଘୁର୍ଣ୍ଣିଝଡ଼ ଟୋକିଓ ଛୁଇଁବା ବେଳକୁ ପ୍ରବଳ ବର୍ଷା ଓ ପବନ ହୋଇଥିଲା। ଫଳରେ ବଡ଼ ବଡ଼ ଗଛ ଉପୁଡି ପଡିବା ଓ ବିଦ୍ୟୁତ ସରବରାହ ବ୍ୟାହତ ହେବା ସହ ଲୋକେ ନାନା ଅସୁବିଧାର ସମ୍ମୁଖୀନ ହୋଇଛନ୍ତି। ତେବେ ଏହି ସମୟରେ ପ୍ରାୟ ୫.୭ ତୀବ୍ରତାର ଏକଭୂକମ୍ପ ହୋଇଥିବା ପ୍ରକାଶ କରିଛି ପାଣିପାଗ ବିଭାଗ। ଯେହେତୁ ଏହାର କେନ୍ଦ୍ରସ୍ଥଳ ସ୍ଥଳ ଭାଗଠାରୁ ବହୁ ଗଭିରରେ ଥିଲା ସେଥିପାଇଁ ବିଶେଷ କିଛି କ୍ଷତି ହୋଇନାହିଁ। ଗତ ୬ ଦଶକ ମଧ୍ୟରେ ଏହା ସବୁଠାରୁ ଶକ୍ତିଶାଳୀ ଘୂର୍ଣ୍ଣିଝଡ଼ ବୋଲି ପାଣିପାଗ ବିଶେଷଜ୍ଞମାନେ କହିଛନ୍ତି। ସୂଚନାଯୋଗ, ଏହା ପୂର୍ବରୁ ୧୯୫୮ରେ ଏମିତି ଏକ ଶକ୍ତିଶାଳୀ ଭୂକମ୍ପରେ ଜାପାନରେ ପ୍ରାୟ ହଜାରେ ଲୋକଙ୍କ ମୃତ୍ୟୁ ହୋଇଥିଲା।
