ପାଟଣା,୯।୬(ସ୍ବ.ପ୍ର.)-କେନ୍ଦୁଝର ଜିଲା ପାଟଣା ଥାନା ସାହାରପଡା ମୁଖ୍ୟାଳୟ ସ୍ଥିତ କୁନ୍ତଳା କୁମାରୀ ଆଦିବାସୀ ବାଳିକା ହଷ୍ଟେଲରୁ ଜୁନ୍ ୨ ତାରିଖ ରାତିରେ ୧୦ଟି ଫ୍ୟାନ୍ ଚୋରି ହୋଇଥିବାର ମାଟ୍ରନ ଫୁଲମଣି ମହାନ୍ତ ପାଟଣା ଥାନାରେ ଅଭିଯୋଗ କରିଥିଲେ। କରୋନା ପାଇଁ ଲକ୍ଡାଉନ ଥିବାରୁ ଛାତ୍ରୀ ଓ କର୍ମଚାରୀମାନେ ଘରକୁ ଚାଲି ଯାଇଥିବାର ସୁଯୋଗରେ ୧୦ଟି କାନ୍ଥ ଫ୍ୟାନ୍କୁ ଦୁର୍ବୃତ୍ତ ଚୋରି କରି ନେଇଥିଲେ। ଅଭିଯୋଗକୁ ଭିତ୍ତିକରି ପାଟଣା ପୋଲିସ ଏ ନେଇ ଏକ ମାମଲା (ନଂ.୮୫/୨୦) ରୁଜୁ କରି ମଙ୍ଗଳବାର ୬ ଜଣଙ୍କୁ ଗିରଫ କରି କୋର୍ଟଚାଲାଣ କରିଛି। ଗିରଫ ବ୍ୟକ୍ତିମାନେ ହେଲେ ସାହାରପଡା ପଞ୍ଚାୟତ ଗୋରାଣ୍ଡି ଯୋଡି ଗ୍ରାମର ପିଣ୍ଟୁ ବେହେରା, କୁନା ବେହରା, ଜଗନ୍ନାଥ ବେହେରା, ରାଜା ବେହେରା, ସନ୍ତୋଷ ବେହେରା ଓ ମନୋଜ ବେହେରା।
