ଦିଗପହଣ୍ଡି,୧୨ା୫(ଡି.ଏନ.ଏ.)- ଦିଗପହଣ୍ଡି ପୋଲିସ ମଙ୍ଗଳବାର ପାଟପୁର ଥାନା ସାହସପୁର ଉତୁରାସି ବସ୍ତିର ବୁଦ୍ଧିଆ ପ୍ରଧାନ ଏବଂ ଟି. ସନ୍ତୋଷଙ୍କୁ ଏକ ଚୋରି ମାମଲାରେ ଗିରଫ କରିଛି। ଥାନା ମାମଲା ନଂ.୭୦/୨୦ରେ ଅଭିଯୁକ୍ତ ଦ୍ୱୟଙ୍କୁ ଦିଗପହଣ୍ଡି ସବ୍ଜେଲ ହାଜତକୁ ପଠାଇ ଦିଆଯାଇଛି। ଅଭିଯୁକ୍ତ ଦ୍ୱୟଙ୍କ ନିକଟରୁ ଚୋରି ହୋଇଥିବା ଏକ ସୁନା ଲକେଟ, ରୁପା ପାଉଁଜି ୧ ହଳ ଓ ୨୬୨୦ ଟଙ୍କା ଜବତ କରାଯାଇଥିବା ତଦନ୍ତକାରୀ ପୋଲିସ ଅଧିକାରୀ ଏସଆଇ ମାଧବ ଚନ୍ଦ୍ର ଟାକରୀ ଜଣାଇଛନ୍ତି। ଏପ୍ରିଲ ୧ ରାତିରେ ଦିଗପହଣ୍ଡି ବ୍ଲକ ବାସୁଦେବପୁର ପଞ୍ଚାୟତ ବଜାପଲ୍ଲୀ ଗ୍ରାମର ଏନ୍.ଦେବରାଜଙ୍କ ଘରୁ ୧୦ ହଜାର ଟଙ୍କା ସହ ସୁନାଗହଣା, ଏନ୍. ଲାଛମେୟା ରେଡ୍ଡୀଙ୍କ ଘରୁ ୬ ହଜାର ଟଙ୍କା ଓ ହଳେ କାନଫୁଲ ଦୁର୍ବୃତ୍ତ ଚୋରି କରି ନେଇଥିଲେ। ଏନେଇ ଦେବରାଜଙ୍କ ସ୍ତ୍ରୀ ଥାନାରେ ଏତଲା ଦେଇଥିଲେ। ଏହି ଚୋରି ଘଟଣାରେ ବୁଦ୍ଧିଆ ଓ ସନ୍ତୋଷ ସାମିଲ ଥିବା ଆଇଆଇସି ବସନ୍ତ କୁମାର ସେଠୀ ସୂଚନା ଦେଇଛନ୍ତି।
