ସାଉଥାମ୍ପ୍ଟନ, ୨୩।୬ (ପି.ଟି.)- ବିଶ୍ୱକପ୍ରେ ହ୍ୟାଟ୍ରିକ ଉଇକେଟ ହାସଲ କରିବାରେ ମହମ୍ମଦ ସାମି ଭାରତର ଦ୍ୱିତୀୟ ବୋଲର ସାବ୍ୟସ୍ତ ହୋଇଛନ୍ତି। ପୂର୍ବରୁ ଚେତନ ଶର୍ମା ୧୯୮୭ ବିଶ୍ୱକପ୍ରେ ନାଗପୁରରେ ନ୍ୟୁଜିଲାଣ୍ଡ ବିପକ୍ଷରେ ହ୍ୟାଟ୍ରିକ ଅର୍ଜନ କରିଥିଲେ। ଶନିବାର ଆଫଗାନିସ୍ତାନ ବିପକ୍ଷରେ ସାମି ଅନ୍ତିମ ଓଭରର ତୃତୀୟ ବଲ୍ରେ ମହମ୍ମଦ ନବୀ, ଚତୁର୍ଥ ବଲ୍ରେ ଅଫତାବ ଆଲମ ଓ ପଞ୍ଚମ ବଲ୍ରେ ମୁଜିବ-ଉର- ରହମାନଙ୍କୁ ଆଉଟ କରି ହ୍ୟାଟ୍ରିକ ଅର୍ଜନ କରିଛନ୍ତି। ଚେତନ ଓ ସାମିଙ୍କ ସମେତ ଏପର୍ଯ୍ୟନ୍ତ ମୋଟ ଉପରେ ବିଶ୍ୱକପ୍ରେ ୯ଜଣ ବୋଲର ହ୍ୟାଟ୍ରିକ ଅର୍ଜନ କରିଛନ୍ତି। ସେମାନେ ହେଲେ ପାକିସ୍ତାନର ସାକଲିନ ମୁସ୍ତାକ, ଶ୍ରୀଲଙ୍କାର ଚାମିଣ୍ଡା ଭାସ, ଅଷ୍ଟ୍ରେଲିଆର ବ୍ରେଟ୍ ଲି, ଶ୍ରୀଲଙ୍କାର ଲସିଥ ମାଲିଙ୍ଗା, ଓ୍ବେଷ୍ଟଇଣ୍ଡିଜର କେମର ରୋଚ, ଲସିଥ ମାଲିଙ୍ଗା, ଇଂଲଣ୍ଡର ଷ୍ଟିଭେନ ଫିନ୍ ଓ ଦକ୍ଷିଣ ଆଫ୍ରିକାର ଜେପି ଡୁମିନି। ତେବେ ମାଲିଙ୍ଗା ବିଶ୍ୱକପ୍ରେ ଦୁଇଥର ହ୍ୟାଟ୍ରିକ ଅର୍ଜନ କରିସାରିଛନ୍ତି। ମୋଟ୍ ଉପରେ ବିଶ୍ୱକପ୍ରେ ବୋଲରମାନେ ୧୦ଥର ହ୍ୟାଟ୍ରିକ୍ ଉଇକେଟ ହାସଲ କରିଛନ୍ତି।
