ଅଲୀଗଡ଼,୧୪।୭: ଉତ୍ତରପ୍ରଦେଶ ଅଲୀଗଡ଼ସ୍ଥିତ ଚାଚା ନେହେରୁ ମଦ୍ରାସାରେ ଉଭୟ ମନ୍ଦିର ଏବଂ ମସଜିଦ୍ ନିର୍ମାଣ କରାଯିବା ପାଇଁ ଯୋଜନା ହୋଇଛି। ପୂର୍ବତନ ଉପରାଷ୍ଟ୍ରପତି ହମିଦ୍ ଅନସାରୀଙ୍କ ସ୍ତ୍ରୀ ସଲମା ଅନସାରୀ ଏହି ମଦ୍ରାସାର ସଞ୍ଚାଳିକା ଦାୟିତ୍ୱରେ ରହିଛନ୍ତି। ଏସମ୍ପର୍କରେ ସଲମା ସୂଚନା ଦେଇଛନ୍ତି। ଏହା ଭାରତର ଏଭଳି ପ୍ରଥମ ମଦ୍ରାସା ହେବ। ଗତ ୧୯ ବର୍ଷ ଧରି ସଲମା ଏହି ମଦ୍ରାସା ଦାୟିତ୍ୱରେ ରହିଛନ୍ତି। ଏହି ମଦ୍ରାସାକୁ ୬ଟି ହିନ୍ଦୁ ଅନୁଷ୍ଠାନ ଅନୁଦାନ ଯୋଗାଇ ଦେଇଥାନ୍ତି। ମଦ୍ରାସାରେ ୪ ହଜାର ମୁସଲମାନ ଏବଂ ଏକ ହଜାରରୁ ଅଧିକ ହିନ୍ଦୁ ଛାତ୍ରୀଛାତ୍ର ପାଠ ପଢୁଛନ୍ତି। ଏଠାରେ ନିର୍ମାଣ ହେବାକୁ ଥିବା ମନ୍ଦିରରେ ଶିବ ଏବଂ ହନୁମାନଙ୍କ ମୂର୍ତ୍ତି ସ୍ଥାପିତ କରାଯିବ ବୋଲି ସଲମା ସୂଚନା ଦେଇଛନ୍ତି।
