ନୂଆଦିଲ୍ଲୀ,୩୧-୭: ଆମେରିକା ସହ ଜାରି ଟ୍ରେଡ୍ ଓ୍ବାର୍ ଯୋଗୁ ଏବେ ଶୀର୍ଷ ଜୁଏଲାରୀ କମ୍ପାନୀ ନିଜର କାରଖାନାକୁ ଚାଇନାରୁ ହଟାଇବାକୁ ନିଷ୍ପତ୍ତି ନେଇଛନ୍ତି। ଇଣ୍ଡସଇଣ୍ଡ ବ୍ୟାଙ୍କ ସିଇଓ ରମେଶ ସୋବ୍ତୀ ଏକ ସାକ୍ଷାତ୍କାରରେ କହିଛନ୍ତି ଯେ, ଜେମ୍ସ ଆଣ୍ଡ ଜୁଏଲାରୀ କ୍ଷେତ୍ରରେ ବିଶ୍ୱର କେତେକ ଶୀର୍ଷ କମ୍ପାନୀ ଏବେ ଚାଇନାରୁ ଭାରତକୁ ଆସିବାକୁ ବାହାରିଛନ୍ତି। ଟ୍ରେଡ ଓ୍ବାର୍କୁ ଦୃଷ୍ଟିରେ ରଖି ସେମାନେ ନିଜର କାରବାରକୁ ସନ୍ତୁଳିତ କରିବା ଉଦ୍ଦେଶ୍ୟରେ କିଛି ଦିନ ଲାଗି ବିଶ୍ରାମ ନେଉଛନ୍ତି। ସେମାନେ ଚାଇନାରୁ ନିଜର କାରଖାନାକୁ ଭାରତକୁ ସ୍ଥାନାନ୍ତର କରିବାକୁ ଯାଉଛନ୍ତି। ସେମାନେ ଭାରତ ଆସିଲେ ଦେଶର ଜେମ୍ସ ଆଣ୍ଡ ଜୁଏଲାରୀ ଉଦ୍ୟୋଗକୁ ସହାୟତା ମିଳିବ। ଜେମ୍ସ ଆଣ୍ଡ ଜୁଏଲାରୀ ଏକ୍ସପୋର୍ଟ ପ୍ରମୋଶନ କାଉନସିଲ୍ ଭାଇସ୍ ଚେୟାରମ୍ୟାନ କଲିନ ଶାହ କହିଛନ୍ତି ଯେ, ଚାଇନାରୁ ଭାରତକୁ ଶୀର୍ଷ ଜୁଏଲାରୀ କମ୍ପାନୀ ଭାରତ ଆସିବାକୁ ଇଚ୍ଛୁକ। ତେବେ ସେମାନଙ୍କୁ ଏଠାରେ କେତେକ ଅସୁବିଧାର ସାମ୍ନା କରିବାକୁ ହେବ।
