ଉଦଳା,୧।୧୨(ଡି.ଏନ.ଏ.)-ମୟୂରଭଞ୍ଜ ଜିଲା ଉଦଳା ଏନଏସିରେ ଥିବା ମେଣ୍ଢାଖାଇ ୟୁଜିଏମଇ ସ୍କୁଲରେ ଶନିବାର ଖେଳୁଥିବା ବେଳେ ୭ରୁ ୯ ବର୍ଷ ବୟସର ୪ ଜଣ ଛାତ୍ରୀ ହଠାତ୍ ସଂଜ୍ଞାହୀନ ହୋଇ ପଡିଥିଲେ। ସେମାନଙ୍କୁ ଚିକିସତ୍ା ନିମନ୍ତେ ଡାକ୍ତରଖାନା ନେବା ପରିବର୍ତ୍ତେ ମୁହଁରେ ପାଣିଛିଟା ମାରି ଚେତା ଫେରାଇ ଘରକୁ ପଠାଇ ଦିଆଯାଇଥିଲା। ବାଟରେ ଦୁଇ ଜଣ ଏବଂ ଘରେ ପହଞ୍ଚିବା ପରେ ଅନ୍ୟ ଦୁଇ ଜଣ ପୁଣି ସଂଜ୍ଞାହୀନ ହୋଇପଡିଥିଲେ। ପରିବାର ଲୋକେ ସେମାନଙ୍କୁ ଚିକିତ୍ସା ପାଇଁ ନେଇ ଯାଇ ଉଦଳା ଡାକ୍ତରଖାନାରେ ଭର୍ତ୍ତି କରିଛନ୍ତି ା ଏହି ୪ ଛାତ୍ରୀ ଏକ ସମୟରେ ଚେତା ହରାଇବା ଘଟଣାର କାରଣ ସ୍ପଷ୍ଟ ହୋଇ ନାହିଁ ା ଅନ୍ୟପକ୍ଷେ ସ୍କୁଲ କର୍ତ୍ତୃପକ୍ଷ ଅସୁସ୍ଥ ଛାତ୍ରୀଙ୍କ ଚିକତ୍ସା ନ କରାଇ ଦାୟିତ୍ୱହୀନ ପଦକ୍ଷେପ ନେବା ସାଧାରଣରେ ଚର୍ଚ୍ଚାକୁ ଆସିଛି ା
ଛାତ୍ରୀଙ୍କ ଅଭିଭାବକମାନେ କହିଛନ୍ତି ଯେ, ଶନିବାର ବିଦ୍ୟାଳୟରେ ମଧ୍ୟାହ୍ନ ଭୋଜନ ଖାଇବା ପରେ ତୃତୀୟ ଶ୍ରେଣୀରେ ପଢୁଥିବା ଏହି ୪ ଛାତ୍ରୀ ବିଦ୍ୟାଳୟ ହତାରେ ଖେଳୁଥିଲେ ା ସେମାନେ ହଠାତ୍ ସଂଜ୍ଞାହୀନ ହୋଇ ପଡିବା ଦେଖି ବିଦ୍ୟାଳୟର ଜଣେ ଶିକ୍ଷୟିତ୍ରୀ ସେମାନଙ୍କ ମୁହଁରେ ପାଣିଛିଟା ମାରିଥିଲେ ା କିଛି ସମୟ ପରେ ଛାତ୍ରୀଙ୍କ ଚେତା ଫେରିଥିଲା । ବିଦ୍ୟାଳୟ କର୍ତ୍ତୃପକ୍ଷ ସେମାନଙ୍କୁ ଡାକ୍ତରଖାନା ନ ନେଇ ଘରକୁ ପଠାଇ ଦେଇଥିଲେ। ପରିବାର ଲୋକେ ଛାତ୍ରୀଙ୍କୁ ଚିକିସତ୍ା କରାଇବାକୁ ଆଣି ଡାକ୍ତରଖାନାରେ ଭର୍ତ୍ତି କରିଥିଲେ ମଧ୍ୟ ବିଦ୍ୟାଳୟର କୌଣସି ଶିକ୍ଷକ କିମ୍ବା ଶିକ୍ଷୟିତ୍ରୀ ଆସି ନ ଥିଲେ। ଏପରିକି ଛାତ୍ରୀମାନେ ବିଦ୍ୟାଳୟରେ ସଂଜ୍ଞାହୀନ ହେବା କଥା ପରିବାର ଲୋକଙ୍କୁ ଜଣାଇ ଦିଆଯାଇ ନ ଥିଲା। ଛାତ୍ରୀମାନଙ୍କ ଏପରି ଅବସ୍ଥା ପାଇଁ ପରିବାରବର୍ଗ କର୍ତ୍ତୃପକ୍ଷଙ୍କୁ ଦାୟୀ କରିଛନ୍ତି । ଏ ସମ୍ପର୍କରେ ବ୍ଲକ ଶିକ୍ଷାଧିକାରୀ ଶୋଭାକର ବେହେରାଙ୍କୁ ପଚାରିବାରୁ ସେ ଘଟଣାର ତଦନ୍ତ କରି ଆବଶ୍ୟକ ପଦକ୍ଷେପ ନେବେ ବୋଲି କହିଛନ୍ତି।
