ଖଣ୍ଡା ଚୋଟରେ ଯୁବକ ଗୁରୁତର
2:30 amMay 25, 2019 / 21

ଦିଗପହଣ୍ଡି,୨୫ା୫(ଡି.ଏନ.ଏ.)-ଦିଗପହଣ୍ଡି ଥାନା ଗୋକର୍ଣ୍ଣପୁର ଗ୍ରାମରେ ଶୁକ୍ରବାର ୨ଭାଇଙ୍କ ଖଣ୍ଡାଚୋଟରେ ଜଣେ ଯୁବକ ଗୁରୁତର ଆହତ ହୋଇଛନ୍ତି। ସେ ହେଲେ ଏନ. କୃଷ୍ଣମୂର୍ତ୍ତି ରେଡ୍ଡୀ। କୃଷ୍ଣମୂର୍ତ୍ତି ଗାଁ ପୋଖରୀରୁ ଗାଧୋଇ ଘରକୁ ଆସୁଥିବା ବେଳେ ପୂର୍ବ ଯୋଜନା ପ୍ରକାରେ ପଡ଼ିଶା ଘରେ ରହୁଥିବା ଦୁଇ ଭାଇ ରାସ୍ତାରେ ଅଟକାଇ ଖଣ୍ଡାରେ ମୁଣ୍ଡକୁ ଆକ୍ରମଣ କରିଥିବା ଅଭିଯୋଗ ହୋଇଛି। ପରିବାର ଲୋକେ କୃଷ୍ଣମୂର୍ତ୍ତିଙ୍କୁ ଦିଗପହଣ୍ଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଛନ୍ତି। ଆମ୍ବତୋଟା ମାଲିକାନା ସ୍ବତ୍ୱକୁ ନେଇ ଦୁଇ ପରିବାର ମଧ୍ୟରେ ଶତ୍ରୁତା ଥିଲା, ଏହାକୁ କେନ୍ଦ୍ରକରି କୃଷ୍ଣମୂର୍ତ୍ତିଙ୍କୁ ହତ୍ୟା ଉଦ୍ୟମ କରାଯାଇଥିବା ପରିବାର ଲୋକେ କହିଛନ୍ତି। ସନ୍ଧ୍ୟା ସୁଦ୍ଧା ଥାନାରେ ରିପୋର୍ଟ ହୋଇ ନ ଥିବା ଆଇଆଇସି ଗୌରାଙ୍ଗ ଚରଣ ସାହୁ ଜଣାଇଛନ୍ତି।