ଖଜୁରିରେ ଏଭଳି କିଛି ତତ୍ତ୍ୱ ରହିଛି ଯାହା କ୍ୟାନ୍ସର ଭଲ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ ବୋଲି ଗବେଷଣାରୁ ଜଣାପଡ଼ିଛି। ଫୁସ୍ଫୁସ୍, ସ୍ତନ ଏବଂ ପ୍ରୋଷ୍ଟେଟ୍ କ୍ୟାନ୍ସର୍ ନାଶ କରିବାରେ ସାହାଯ୍ୟ କରେ ଖଜୁରି । ରୟାଲ୍ ସୋସାଇଟି ଅଫ୍ କେମିଷ୍ଟ୍ରିରେ ଏହି ଗବେଷଣା କରାଯାଇଥିଲା। ଗବେଷଣାରେ କ୍ୟାନସର୍ କୋଷିକା ଖଜୁରି ସଂସ୍ପର୍ଶରେ ଆସିବା ଦ୍ୱାରା ଏହା କ୍ୟାନସର୍ କାରକ ଟ୍ୟୁମର୍ ଉପରେ ପ୍ରଭାବ ପକାଇଥିବା ଦେଖାଯାଇଥିଲା। କିଛି ଦିନ ମଧ୍ୟରେ ଏହା ଆପଣାଛାଏ ନଷ୍ଟ ହୋଇଯାଇଥିଲା। ତେବେ ଏପର୍ଯ୍ୟନ୍ତ ବୈଜ୍ଞାନିକମାନେ ନିର୍ଣ୍ଣୟ ନେଇ ପାରିନାହାନ୍ତି ଯେ, ଖଜୁରି କ୍ୟାନ୍ସର୍କୁ ରୋକିବାରେ ନା କ୍ୟାନସର୍କାରକ ଟ୍ୟୁମର୍କୁ ଠିକ୍ କରିବାରେ ସାହାଯ୍ୟ କରୁଛି। ଏହା ଉପରେ ସେମାନେ ଅଧିକ ଗବେଷଣା ଜାରି ରଖିଛନ୍ତି। ଖଜୁରିରେ ପ୍ରଚୁର ଭିଟାମିନ୍ ସି ଏବଂ ଆଣ୍ଟିଅକ୍ସିଡାଣ୍ଟ ଥାଏ। ଏହା ଶରୀରକୁ ମାରାତ୍ମକ ରୋଗରୁ ରକ୍ଷାକରିବା ସହ ରୋଗପ୍ରତିରୋଧକ ଶକ୍ତି ବୃଦ୍ଧି କରିବାରେ ସହାୟକ ହୋଇଥାଏ।
