ଟିଟିଲାଗଡ଼, ୮।୪(ଡି.ଏନ.ଏ): ବଲାଙ୍ଗୀର ଜିଲା ଟିଟିଲାଗଡସ୍ଥିତ ରାଏମନ ଫାଉଣ୍ଡେସନ ପକ୍ଷରୁ ଟିଟିଲାଗଡ ବ୍ଲକ ଶଗଡଘାଟ ଗ୍ରାମ ପଞ୍ଚାୟତ ଅନ୍ତର୍ଗତ ଶାନ୍ତିନଗର କୁଷ୍ଠାଶ୍ରମର ୧୩୦ ଜଣ ଅନ୍ତେବାସୀଙ୍କୁ ବୁଧବାର ରନ୍ଧା ଖାଦ୍ୟ ପ୍ରଦାନ କରାଯାଇଛି। ବିଦେଶୀ ସଂସ୍ଥା ଦ୍ୱାରା ପରିଚାଳିତ ଏହି କୁଷ୍ଠାଶ୍ରମ ସମ୍ପୃକ୍ତ ସଂସ୍ଥା ଫେରିଯିବା ପରେ କୁଷ୍ଠ ରୋଗୀଙ୍କ ପରିବାର ଅବହେଳିତ ହୋଇ ପଡିରହିଛନ୍ତି। ଏହି ଅବସରରେ ଟିଟିଲାଗଡ ଉପଜିଲାପାଳ ସୁଧାକର ନାୟକ, ଉପଖଣ୍ଡ ସ୍ବାସ୍ଥ୍ୟ ଅଧିକାରୀ ଡା. ସୁଜାତାରାଣୀ ମିଶ୍ର ଉପସ୍ଥିତ ରହି ସ୍ବେଚ୍ଛାସେବୀଙ୍କୁ ଉତ୍ସାହିତ ସହ ଅନ୍ତେବାସୀଙ୍କୁ ସଚେତନ କରିଥିଲେ। ସଂଗଠନ ପକ୍ଷରୁ ସଭିଙ୍କୁ ହାତ ଧୁଆ ତାଲିମ ପ୍ରଦାନ ସହ ସାବୁନ ପ୍ରଦାନ କରାଯାଇଥିଲା। ସଂଗଠନର ସଦସ୍ୟା ରଞ୍ଜୁ ରାଏମନ, ମଞ୍ଜୁ ତାଣ୍ଡି, ସିପ୍ରାଦେବୀ ଜାଲ, ଶଗଡଘାଟ ସରପଞ୍ଚ ଅଲିତା ସାହୁ, ଉତ୍ତମ ନାଗ, ଦିବ୍ୟ କୁମ୍ଭାର, ରଞ୍ଜିତ ଜାଲ, ଦିପକ ବେହେରା, ଭକ୍ତି କୁମ୍ଭାର, କୈଲାସ ସୁନା, ବକୁଲ ମହାନନ୍ଦ, ସଦା ନାଗ ପ୍ରମୁଖ ଏହି ଅବସରରେ ଉପସ୍ଥିତ ଥିଲେ।
