ବର୍ତ୍ତମାନ ପତ୍ରଝଡ଼ା ଋତୁ ଚାଲିଥିବାରୁ ପତ୍ର ଝଡ଼ି ସ୍ଥାନେ ସ୍ଥାନେ ପାହାଡ଼ ପରି ଜମା ହୋଇଥିବା ଦେଖିବାକୁ ମିଳିଛି। ଏହି ପତ୍ରଗଦାରେ ଏକ କୁକୁର ଖୁବ୍ ମସ୍ତି କରୁଥିବା ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଭିଡିଓଟିକୁ ୟୁଜର ଖୁବ୍ ପସନ୍ଦ କରିଛନ୍ତି। ଖାଲି ପସନ୍ଦ ନୁହେଁ, ଭିଡିଓକୁ ଦେଖିଲେ ମାନସିକ ଶାନ୍ତି ମିଳୁଛି ବୋଲି ଅନେକ ୟୁଜର ପ୍ରତିକ୍ରିୟା ଦେଇଛନ୍ତି।
we all – and i cannot stress this enough – need this right now. possibly the greatest short film ever made. pic.twitter.com/FzvtrmC70D
— Hannah Jane Parkinson (@ladyhaja) March 16, 2020
ଭିଡିଓଟି ଏତେ ମଜାଳିଆ ଯେ, କେହି ବାରମ୍ବାର ଦେଖିବାକୁ ଚାହିଁବ। ଭିଡିଓଟିକୁ ଦେଖି କିଛି ୟୁଜର କହିଛନ୍ତି, ଆମେ ହେଲେ କୁକୁର ହୋଇଥାନ୍ତୁ। ଏହି ଭିଡିଓ ଆରମ୍ଭରେ ଜଣେ ମହିଳା ଏକ କାର୍ର ଡିକି ଖୋଲୁଛନ୍ତି। ଏଥିରୁ କୁକୁରଟି ବାହାରି ଦୌଡ଼ି ଦୌଡ଼ି ଯାଇ ପତ୍ରଗଦାକୁ ଡେଇଁ ପଡୁଛି। ଏତେ ପତ୍ର ଗଦା ହୋଇଛି ଯେ, କୁକୁରଟି ଏଥିରେ ଆଦୌ ଦେଖାଯାଉନାହିଁ। ବେଳେବେଳେ ଏଥିରେ ପଶି ଲାଙ୍ଗୁଡ଼ ହଲାଉଥିବା ଦୃଶ୍ୟ ବେଶ୍ କୌତୁହଳପୂର୍ଣ୍ଣ। ମଝିରେ ମଝିରେ କୁକୁରଟି ବିଲେଇ ପରି ବୋବାଉଥିବା ଶବ୍ଦ ଲୋକଙ୍କୁ ଆଶ୍ଚର୍ଯ୍ୟ କରିଛି। ଭିଡିଓଟିକୁ ଲୋକେ ପସନ୍ଦ କରିବା ସହ ବହୁମାତ୍ରାରେ ଶେୟାର ମଧ୍ୟ କରୁଛନ୍ତି।
