କାମାକ୍ଷାନଗର, ୩୦।୭(ଡି.ଏନ୍.ଏ.)-ଢେଙ୍କାନାଳ ଜିଲା କାମାକ୍ଷାନଗର କଲେଜରେ ଆରମ୍ଭ ହୋଇଥିବା ଇନ୍ଦିରା ଗାନ୍ଧୀ ଜାତୀୟ ମୁକ୍ତ ବିଶ୍ୱବିଦ୍ୟାଳୟ (ଇଗ୍ନୋ) ପକ୍ଷରୁ ଚଳିତ ଶିକ୍ଷାବର୍ଷରୁ ଆରମ୍ଭ ହେବ ଶିକ୍ଷାଦାନ। ଏ ନେଇ ମଙ୍ଗଳବାର ପୂର୍ବାହ୍ନରେ ଖବରଦାତା ସମ୍ମିଳନୀ ଅନୁଷ୍ଠିତ ହୋଇଯାଇଛି। ପାଠ୍ୟକ୍ରମକୁ ବ୍ୟାପକ କରିବାକୁ ସମସ୍ତଙ୍କ ସହଯୋଗ ଲୋଡ଼ା ବୋଲି କହିଛନ୍ତି ଆହ୍ବାନ ଦେଇଛନ୍ତି ଭୁବନେଶ୍ବର ଶାଖା ସହକାରୀ ଆଞ୍ଚଳିକ ନିର୍ଦ୍ଦେଶକ ଡା. ସନ୍ତୋଷ କୁମାର ପାଣିଗ୍ରାହୀ।
ଦେଶରେ ଶିକ୍ଷାକ୍ଷେତ୍ରରେ ବିପ୍ଳବ ସୃଷ୍ଟି କରିଛି ଇଗ୍ନୋ। ଏହି ପାଠ୍ୟକ୍ରମରେ ନାମ ଲେଖାଇଥିବା ହଜାର ହଜାର ଶିକ୍ଷତ ଯୁବତୀଯୁବକ ଆତ୍ମନିର୍ଭରଶୀଳ ହୋଇ ପାରୁଛନ୍ତି। ଏଥିପାଇଁ ବିଭିନ୍ନ ପଦକ୍ଷେପ ନିଆଯାଉଛି। ଜାତୀୟ ସ୍ବାସ୍ଥ୍ୟ ମିଶନ,ଭାରତ ଦକ୍ଷତା ବିକାଶ ଅନୁଷ୍ଠାନ ସହ ସହବନ୍ଧିତ ହୋଇ ଶିକ୍ଷା ଜାରି ରହିଛି। ଅନୁସୂଚିତ ଜାତି ଏବଂ ଜନଜାତିର ଛାତ୍ରୀଛାତ୍ରଙ୍କୁ ସମ୍ପୂର୍ଣ୍ଣ ମାଗଣା ଶିକ୍ଷା ଦିଆଯିବାର ବ୍ୟବସ୍ଥା କରାଯାଇଛି। ସମେସ୍ତ ଏହାର ସୁଯୋଗ ନେଲେ ଏହି ପାଠ୍ୟକ୍ରମର ପ୍ରକୃତ ଉଦ୍ଦେଶ୍ୟ ସାଧିତ ହୋଇପାରିବ। ଅଧିକରୁ ଅଧିକ ଶିକ୍ଷିତ ସୃଷ୍ଟି ହୋଇପାରିବେ ବୋଲି ଡା. ପାଣିଗ୍ରାହୀ ସୂଚନା ଦେଇଥିଲେ।
କାମାକ୍ଷାନଗର ଶିକ୍ଷାକେନ୍ଦ୍ର ସଂଯୋଜକ ଡା. ଶ୍ରୀବତ୍ସ କୁମାର ସାହୁ ଆଲୋଚନାରେ ଭାଗନେଇ ବିଭିନ୍ନ ବିଭାଗ ସମ୍ପର୍କରେ ସୂଚନା ଦେଇଥିଲେ। ଅନ୍ୟମାନଙ୍କ ମଧ୍ୟରେ ଅଧ୍ୟକ୍ଷା ସ୍ମିତାରାଣୀ ପାତ୍ର, ପୂର୍ବତନ ସଂଯୋଜକ ଦୁର୍ଗାଚରଣ ବିଶ୍ବାଳ, ଡା. ରାମଚନ୍ଦ୍ର ସାହୁ, ସହ ସଂଯୋଜକ ପ୍ରମୋଦ କୁମାର ସ୍ବାଇଁ ପ୍ରମୁଖ ଉପସ୍ଥିତ ଥିଲେ।