ଯୋଡ଼ା, ୧୧।୬ (ଡି.ଏନ.ଏ.)-କେନ୍ଦୁଝର ଜିଲା ଯୋଡା ସହରର ବନେଇକଳା ବସ୍ତିରେ ଭଡା ଘରେ ରହୁଥିବା ଜଣେ କମ୍ପାନୀ କର୍ମଚାରୀଙ୍କ ଘରୁ ନଗଦ ଟଙ୍କା ଓ ସୁନା ଅଳଙ୍କାର ଚୋରି ହୋଇଥିବା ନେଇ ଥାନାରେ ଅଭିଯୋଗ ହୋଇଛି। ପୋଲିସ ସୂଚନାନୁଯାୟୀ, ଏସଏମ ବର୍ମା ନାମକ ଜଣେ ବ୍ୟକ୍ତି ଭଡାରେ ରହୁଥିଲେ। ମଙ୍ଗଳବାର ବିଳମ୍ବିତ ରାତିରେ ଏସଏମ ବର୍ମା ଓ ତାଙ୍କ ସ୍ତ୍ରୀ ଶୋଇଥିବା ସମୟରେ ଚୋର ତାଙ୍କ ଶୋଇବା ଘରେ ପଶି ନଗଦ ୮୦ ହଜାର ଟଙ୍କା ଓ ୩ଟି ସୁନା ଚେନ୍, ୨ହଳ ସୁନା କାନ ଫୁଲ, ୨ ହଳ ସୁନା ଚୁଡି, ୭ଟି ସୁନା ମୁଦି, ୪ ହଳ ରୂପା ପାଉଞ୍ଜି ସହ ୨ଟି ମୋବାଇଲ୍ ଫୋନ ଚୋରି କରିନେଇଥିବା ଅଭିଯୋଗ ହୋଇଛି ା ପୋଲିସ ଏନେଇ ଏକ ମାମଲା (ନଂ.୯୭/୨୦୨୦) ରୁଜୁ କରି ତଦନ୍ତ ଆରମ୍ଭ କରିଥିବା ବେଳେ ଘରର କିଛି ଦୂରରେ ଥିବା ପୋଖରୀ ନିକଟରେ ଚୋର ଛାଡିଯାଇଥିବା ଖାଲି ବ୍ୟାଗ୍ ମିଳିଛି ା
