ଭୁବନେଶ୍ୱର,୨।୪(ବ୍ୟୁରୋ): ସମଗ୍ର ବିଶ୍ୱ ଏବେ ମହାମାରୀ କରୋନା କବଳରେ। ବୁଧବାର ୨୦୩ ଦେଶ ଏବଂ ଦୁଇଟି ଜାହାଜରେରେ କରୋନା ଚିହ୍ନଟ ହୋଇଥିବା ବେଳେ ଗୁରୁବାର ଏହା ସମାନ ରହିଛି। ସେହିଭଳି ଆକ୍ରାନ୍ତଙ୍କ ସଂଖ୍ୟା ୮ଲକ୍ଷ ୬୨ହଜାର ୪୯୫ଜଣ ଥିବା ବେଳେ ୯ଲକ୍ଷ ୩୭ ହଜାର ୯୭୬ରେ ପହଞ୍ଚିଛି। ମୃତକ ସଂଖ୍ୟା ୪୨୬୧୦ ଥିବା ବେଳେ ଗୁରୁବାର ଏହା ୪୭୨୭୯ରେ ପହଞ୍ଚିଛି। ସେହିଭଳି ଭାରତରେ ଗୁରୁବାର ୧୯୬୫ଜଣ କରୋନାରେ ଆକ୍ରାନ୍ତ ହୋଇଛନ୍ତି। ମୃତକଙ୍କ ସଂଖ୍ୟା ୫୦ ଛୁଇଁଛି। କରୋନାର ଲକ୍ଷଣ ଜ୍ୱର, କାଶ, ଶ୍ୱାସକଷ୍ଟ। ଏହା ୨ରୁ ୧୪ ଦିନ ମଧ୍ୟରେ ଏହା ନିଜକୁ ଜାହିର କରେ। ଏଥିରେ ଆକ୍ରାନ୍ତ ୯୫% ସୁସ୍ଥ ହେବାର ସମ୍ଭାବନା ରହିଥିବା ବେଳେ ୫%ଙ୍କ ଜୀବନ ହାନିର ସମ୍ଭାବନା ରହିଛି। ବିଶ୍ୱର ଆକ୍ରାନ୍ତଙ୍କ ସଂଖ୍ୟାକୁ ଦେଖିଲେ ୬ଲକ୍ଷ ୯୫ହଜାର ୩୩୮ଜଣ ପ୍ରାଥମିକ ଲକ୍ଷଣରେ ଅଛନ୍ତି। ଏମାନଙ୍କ ମଧ୍ୟରୁ ୯୫% ସାଧାରଣ ଲକ୍ଷଣ ରହିଛି। ମାତ୍ର ୫%ଙ୍କ ପରିସ୍ଥିତି ଗମ୍ଭୀର ରହିଛି। ସେହିଭଳି ରାଜ୍ୟରେ ୯୦୦ ନମୂନା ପରୀକ୍ଷା ପାଇଁ ଯାଇଥିବା ବେଳେ ସେଥିରୁ ପଜିଟିଭ-୫ରେ ପହଞ୍ଚିଛି।
