ଢେଙ୍କାନାଳ ଅଫିସ, ୨୨।୪ – କୋଭିଡ୍-୧୯ ମୁକାବିଲା ଲାଗି ନିଃସ୍ବାର୍ଥପର ଭାବେ କର୍ତ୍ତବ୍ୟ ପାଳନ କରୁଥିବା କରୋନା ଯୋଦ୍ଧାଙ୍କୁ ମଙ୍ଗଳବାର ଢେଙ୍କାନାଳ ପୌରାଞ୍ଚଳ ଚାନ୍ଦମାରୀ ସାହିର ଜୟ ମା’ ସନ୍ତୋଷୀ ସ୍ବୟଂ ସହାୟକ ଗୋଷ୍ଠୀ ପକ୍ଷରୁ ସମ୍ବର୍ଦ୍ଧିତ କରାଯାଇଛି। ଟାଉନ ଥାନାଧିକାରୀ ଜ୍ଞାନରଞ୍ଜନ ସାମଲ, ଅନ୍ୟ ପୋଲିସ କର୍ମଚାରୀ ଏବଂ ସଫେଇ କର୍ମଚାରୀଙ୍କୁ ଫୁଲତୋଡ଼ା ଦେଇ ସମ୍ମାନିତ କରାଯାଇଥିଲା। ଏସ୍ଏଚ୍ଜି ସଦସ୍ୟା ଶୁଭଲକ୍ଷ୍ମୀ ଦେହୁରୀଙ୍କ ତତ୍ତ୍ୱାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ଗୀତାଞ୍ଜଳି ସାହୁ, ଝିଲ୍ଲିବାଳା ଛୋଟରାୟ, ସଚଳା ନାୟକ, ମିନତି ସିଂ, ଜ୍ୟୋତ୍ସ୍ନାରାଣୀ ବେହେରା, ପ୍ରିୟମ୍ବଦା ପ୍ରଧାନ, ମୋତି ସାମଲ ପ୍ରମୁଖ ଉପସ୍ଥତ ଥିଲେ।
