ସମ୍ବଲପୁର, ୩୧।୩ (ବ୍ୟୁରୋ)- କରୋନା ମୁକାବିଲା ପାଇଁ ସମ୍ବଲପୁର ବିଭିନ୍ନ ଅନୁଷ୍ଠାନ ଗୁଡିକ ସହଯୋଗର ହାତ ବଢ଼ାଇଛନ୍ତି । ଗ୍ରାମାଞ୍ଚଳରେ ମଧ୍ୟ ଏହା ଦେଖିବାକୁ ମିଳିଛି । ସମ୍ବଲପୁର ଜିଲା ଯୁଯୁମୁରା ବ୍ଲକ ଡଙ୍ଗାପାଲ ଗ୍ରାମର ଉତ୍ସବ ସାମାଜିକ ଓ ସାଂସ୍କୃତିକ ଅନୁଷ୍ଠାନ ପକ୍ଷରୁ ମାସ୍କ ଓ ସାବୁନ ବଣ୍ଟନ କରିଛନ୍ତି । ଡଙ୍ଗାପାଲ ପଞ୍ଚାୟତର ବିଭିନ୍ନ ଗ୍ରାମକୁ ଅନୁଷ୍ଠାନର କର୍ମକର୍ତ୍ତା ଯାଇ କରୋନା ସଚେତନତା ଲିଫଲେଟ ଘର କାନ୍ଥରେ ଲଗାଇଥିଲେ । ପରିବାରର ସଦସ୍ୟଙ୍କୁ ବାରମ୍ବାର ସାବୁନରେ ହାତ ଧୋଇବା, ଘରୁ ନ ବାହାରିବା, ଜ୍ୱର, କାସ ହେଲେ ଡାକ୍ତରଙ୍କ ପାଖକୁ ଯିବାକୁ ପରାମର୍ଶ ଦେଇଥିଲେ । ୫ଶହଟି ପରିବାରକୁ ସାବୁନ ଓ ମାସ୍କ ବଣ୍ଟନ କରିଥିଲେ । ଜୟନ୍ତ ପ୍ରଧାନ, ଓମ୍ପ୍ରକାଶ ବିଶ୍ୱାଳ, ଗୋଲକ ବିହାରୀ ପ୍ରଧାନ, ସିରାଜ ଅହମ୍ମଦ, ବିକାଶ ପ୍ରଧାନ ପ୍ରମୁଖ ଉପସ୍ଥିତ କାର୍ଯ୍ୟକ୍ରମ ପରିଚାଳନା କରିଥିଲେ ।
