କରୋନା ମାଧ୍ୟମରେ ପ୍ରକୃତି ଦେଇଛି ଆଗତ ବିପଦର ସଚେତନତା ବାର୍ତ୍ତା

ଓ୍ବାଶିଂଟନ,୩୦।୩: କରୋନା ଭୂତାଣୁ ସଂକ୍ରମଣ ନେଇ ସାରା ପୃଥିବୀରେ ଆତଙ୍କ ଦେଖାଦେଇଛି। ଇତିମଧ୍ୟରେ ପୃଥିବୀର ୧୯୯ ଦେଶରେ କରୋନା ସଂକ୍ରମିତ ହୋଇସାରିଛି। ସେହିପରି ମୃତ୍ୟୁ ସଂଖ୍ୟା ୩୩ ହଜାର ଟପିଛି। ତେବେ କରୋନା ଭଳି ମହାମାରୀ ମାଧ୍ୟମରେ ପୃଥିବୀ ଉପରେ ଥିବା ଆଗତ ବିପଦ ସମ୍ପର୍କରେ ପ୍ରକୃତି ସଚେତନତା ବାର୍ତ୍ତା ଦେଇଛି। ନିକଟରେ ହୋଇଥିବା ଏକ ସର୍ଭେ ରିପୋର୍ଟରେ ଏହା ପ୍ରକାଶ ପାଇଛି। ଆଇଏଏନ୍‌ଏସ୍‌ ସି-ଭୋଟର ଗେଲପ୍‌ ଆସୋସିଏଶନ ପକ୍ଷରୁ ହୋଇଥିବା ଏକ ସର୍ଭେ ରିପୋର୍ଟରେ ଏହା ପ୍ରକାଶ ପାଇଛି। ୪୬.୭ ପ୍ରତିଶତ ଲୋକ ଏହା ପ୍ରକୃତିର ରୋଷ ବୋଲ କହିଛନ୍ତି। ପୃଥିବୀ ଉପରେ ମାଡ଼ିଆସୁଥିବା ବିପଦ ସମ୍ପର୍କରେ କରୋନ ସଂକ୍ରମଣ ସୂଚନା ଦେଉଥିବା ସର୍ଭେରେ ସାମିଲ୍‌ ହୋଇଥିବା ଲୋକ ପ୍ରକାଶ କରିଛନ୍ତି। ୩୦.୬ ପ୍ରତିଶତ ଲୋକ ଏହା ପ୍ରକୃତିର ସଚେତନତା ବାର୍ତ୍ତା ବୋଲି ମାନିବାକୁ ମନା କରିଥିଲେ। ଅପରପକ୍ଷରେ ୨୨.୭ ପ୍ରତିଶତ ଲୋକ କୌଣସି ଟିପ୍ପଣୀ ଦେବାକୁ ମନା କରିଥିଲେ ବୋଲି ରିପୋର୍ଟରେ ଦର୍ଶାଯାଇଛି।