ନୂଆଦିଲ୍ଲୀ,୧୭।୨: ପୃଥିବୀର ଦ୍ୱିତୀୟ ବୃହତମ ଅର୍ଥ ବ୍ୟବସ୍ଥା ଚାଇନାରେ ଦେଖାଦେଇଥିବା କରୋନା ଭୁତାଣୁ ସଂକ୍ରମଣ ଯୋଗୁ ଅନ୍ତର୍ଜାତୀୟ ବଜାର ବେଶ୍ ପ୍ରଭାବିତ ହୋଇଛି। କରୋନା ଯୋଗୁ ଆମଦାନୀ ରପ୍ତାନୀ ପ୍ରକ୍ରିୟାରେ ବାଧା ସୃଷ୍ଟି ହୋଇଛି। ଫଳରେ ବିଶ୍ୱ ଅର୍ଥବ୍ୟବସ୍ଥା ଟଳମଳ ହେବାରେ ଲାଗିଛି। ଏହାର ପ୍ରଭାବ ଭାରତୀୟ ଅର୍ଥବ୍ୟବସ୍ଥା ଉପରେ ମଧ୍ୟ ପଡ଼ିଛି। ୨୦୨୦ରେ ଆକଳନ କରାଯାଇଥିବା ଭାରତର ଅଭିବୃଦ୍ଧି ହାର ହ୍ରାସ ପାଇଛି। ପୂର୍ବରୁ ଏହାକୁ ୬.୬ ପ୍ରତିଶତ ଭାବେ ଆକଳନ କରାଯାଇଥିଲା। ତେବେ ରେଟିଂ ଏଜେନ୍ସି ମୁଡିଜ୍୍ ପକ୍ଷରୁ ଏହାକୁ ୫.୪ ପ୍ରତିଶତ କରି ଦିଆଯାଇଛି। ସେହିପରି ୨୦୨୧ ପାଇଁ ଆକଳନ କରାଯାଇଥିବା ଅଭିବୃଦ୍ଧି ହାରକୁ ମୁଡିଜ୍ ପକ୍ଷରୁ ୬.୭ ପ୍ରତିଶତରୁ ୫.୮ ପ୍ରତିଶତକୁ ହ୍ରାସ କରାଯାଇଛି। ସେହିପରି ଚାଇନାର ଧାର୍ଯ୍ୟ ଅଭିବୃଦ୍ଧି ହାରକୁ ମଧ୍ୟ ମୁଡିଜ୍ କମାଇ ଦେଇଛି।
