ସ୍ବାସ୍ଥ୍ୟ ବିଶେଷଜ୍ଞମାନେ ଏକ ଗବେଷଣା କରି କହିଛନ୍ତି, ଶିଶୁମାନେ ରାତିରେ ଅତି କମ୍ରେ ୯ ଘଣ୍ଟା ଶୋଇବା ଉଚିତ୍। ଯେପର୍ଯ୍ୟନ୍ତ ୧୬ ବର୍ଷ ନ ହୋଇଛି ସେପର୍ଯ୍ୟନ୍ତ ୯ ଘଣ୍ଟା ଶୋଇବା ଜରୁରୀ ଅଟେ। ନଚେତ୍ ଏମାନଙ୍କ ମାନସିକ ବିକାଶରେ ବାଧା ସୃଷ୍ଟି ହୋଇଥାଏ। ଏତଦ୍ବ୍ୟତୀତ ରାତିରେ ଅଧିକ ସମୟ ନ ଶୋଇଲେ ସ୍କୁଲରେ ପାଠପଢ଼ାରେ ମଧ୍ୟ ମନ ଲାଗେ ନାହିଁ। ଭଲରେ ନ ଶୋଇଲେ ଶିଶୁମାନଙ୍କଠାରେ ମେଦବହୁଳତାର ଆଶଙ୍କା ସୃଷ୍ଟି ହୋଇଥାଏ। ଇଟାଲୀର ଇନ୍ଷ୍ଟିଚ୍ୟୁଟ୍ ଅଫ୍ ଫୁଡ୍ ସାଇନ୍ସ ଅଫ୍ ଦ ନ୍ୟାଶନାଲ ରିସର୍ଚ୍ଚ କାଉନ୍ସିଲର ଗବେଷକମାନେ ଏପରି ପରୀକ୍ଷା କରିଛନ୍ତି। ରକ୍ତରେ ମହଜୁଦ୍ ଥିବା ମାଇକ୍ରୋ ଆର୍ଏନ୍ଏଜ୍ ନାମକ ଏକ ଅଣୁ ଚିହ୍ନଟ କରି ନିଦ ସମ୍ପର୍କରେ ସୂଚନା ଦେଇଛନ୍ତି। ଗବେଷକମାନେ କୁହନ୍ତି, ନିଦ ସମୟରେ ମାଇକ୍ରୋ ଆର୍ଏନ୍ଏଜ୍ରେ ପରିବର୍ତ୍ତନ ଘଟିଥାଏ। ଯେଉଁଥିପାଇଁ ୩ ବର୍ଷର ଶିଶୁଙ୍କୁ ପ୍ରତିଦିନ ରାତିରେ ୧୨ଘଣ୍ଟାରୁ ଅଧିକ ଶୋଇବା ଆବଶ୍ୟକ। ପ୍ରତିବର୍ଷ ୧୫ମିନିଟ୍ ନିଦ କଟି ୧୬ ବର୍ଷର ପିଲାଙ୍କୁ ୯ ଘଣ୍ଟା ଶୋଇବା ଜରୁରୀ ଅଟେ।
