କମିଶନରେଟ ପୋଲିସ ମୁଖ୍ୟାଳୟ ସମ୍ମୁଖରେ ମହିଳାଙ୍କ ଆତ୍ମହତ୍ୟା ଉଦ୍ୟମ
9:41 amAugust 14, 2019 / 21

ଭୁବନେଶ୍ୱର, ୧୪ା୮(ବ୍ୟୁରୋ): ଚନ୍ଦ୍ରଶେଖରପୁର ଥାନା ଅଞ୍ଚଳରେ ଜଣେ ମହିଳା ଘରକୁ ପାଣି ଓ ବିଦ୍ୟୁତ୍‌ ସଂଯୋଗ ବିଚ୍ଛିନ କରାଯିବା ସହ ତାଙ୍କୁ ଆକ୍ରମଣ ହୋଇଛି। ଏହି ଘଟଣାରେ ପୋଲିସ ନ୍ୟାୟ ଦେବାରେ ଅବହେଳା ପ୍ରଦର୍ଶନ କରିବା ଓ ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେଉ ନ ଥିବାରୁ ପୋଲିସ କମିଶନରଙ୍କ କାର୍ଯ୍ୟାଳୟ ସମ୍ମୁଖରେ ମହିଳା ଜଣକ ମଙ୍ଗଳବାର କେମିକାଲଯୁକ୍ତ ଫିନାଇଲ ପିଇ ଆତ୍ମହତ୍ୟା ଉଦ୍ୟମ କରିଥିଲେ। ସେଠାରେ ଉପସ୍ଥିତ ପୋଲିସ କର୍ମଚାରୀ ମହିଳାଙ୍କୁ କାବୁ କରିଥିଲେ। ଏଥିସହ ପୋଲସ କମିଶନରଙ୍କୁ ଭେଟିବା ପରେ ଖୁବ୍‌ଶୀଘ୍ର ଘଟଣାର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ନିଆଯିବ ବୋଲି କମିଶନର ପ୍ରତିଶ୍ରୁତି ଦେଇଥିଲେ। ପୋଲିସ ସୂଚନା ମୁତାବକ, ମଣ୍ଡପବସ୍ତିରେ ୧୦ବର୍ଷ ହେବ ପ୍ରଣତି ବେହେରା ସପରିବାର ରହୁଥିଲେ। ୨୦୧୮ରୁ ବିଡିଏ ପ୍ଲଟ ନଂ. ୧୪୧ରେ ରହୁଥିଲେ। ଗତ ୭ ତାରିଖ ରାତିରେ ୫ରୁ ୬ ଜଣ ଦୁର୍ବୃତ୍ତ ତାଙ୍କ ଘରେ ପଶି ପାଣି ପାଇପ ଲାଇନ ଏବଂ ବିଦ୍ୟୁତ୍‌ ତାର ସଂଯୋଗକୁ କାଟି ଦେଇଥିଲେ। ଅନ୍ଧାର ଭିତରେ ତାଙ୍କ ସହ ସ୍ବାମୀଙ୍କୁ ଟଣାଓଟରା କରି ଚେନ ଛଡାଇ ନେଇଥିଲେ। ଜଣେ ଯୁବକ ମୁଣ୍ଡରେ ପିସ୍ତଲ ଲଗାଇ ମାରି ଦେବାକୁ ଧମକ ଦେଇଥିଲେ। ରାତି ୧୧ଟାରେ ପିସିଆର ଭ୍ୟାନ ପହଞ୍ଚତ୍ବା ପରେ ମଧ୍ୟ ପୋଲିସ ଉପସ୍ଥିତିରେ ତାଙ୍କୁ ଆକ୍ରମଣ କରାଯାଇଥିଲା। ଏହାସତ୍ତ୍ୱେ କୌଣସି ନ୍ୟାୟ ନ ମିଳିବାରୁ ବାଧ୍ୟ ହୋଇ ଏପରି ଉଦ୍ୟମ କରିଥିବା ଜଣାପଡିଛି।