ନୂଆଦିଲ୍ଲୀ, ୩।୭: ଶେଷରେ କଂଗ୍ରେସ ଅଧ୍ୟକ୍ଷ ପଦରୁ ଆନୁଷ୍ଠାନିକ ଭାବେ ଇସ୍ତଫା ଦେଇଛନ୍ତି ରାହୁଲ ଗାନ୍ଧୀ। ବୁଧବାର ନିଜ ଟୁଇଟରରେ ଇସ୍ତଫା କଥା ଘୋଷଣା କରିଛନ୍ତି ରାହୁଲ। ଗତ ନିର୍ବାଚନରେ ଦଳର ପରାଜୟ ପାଇଁ ସେ ନିଜକୁ ଦାୟୀ କରିଛନ୍ତି। ଦଳର ଭବିଷ୍ୟତ ପାଇଁ ଉତ୍ତରଦାୟିତ୍ୱ ନେବା ବଡ କଥା। ସେଥିପାଇଁ ନୈତିକତା ଦୃଷ୍ଟିରୁ ଇସ୍ତଫା ଦେଲି ବୋଲି ରାହୁଲ କହିଛନ୍ତି। ସେ ଆହୁରି ମଧ୍ୟ କହିଛନ୍ତି, କଂଗ୍ରେସ ଦଳର ସେବା କରିବା ମୋ ପାଇଁ ଗର୍ବର ବିଷୟ। ଯେଉଁ ଦଳର ନୀତି ଏବଂ ସିଦ୍ଧାନ୍ତ ଦେଶର ବିକାଶରେ ସହାୟକ ହୋଇଛି ସେହି ଦଳ ପାଇଁ କାମ କରି ମୁଁ ନିଜକୁ ଗର୍ବିତ ମନେକରୁଛି। ୨୦୧୯ ନିର୍ବାଚନରେ ପରାଜୟ ପରେ ଦଳକୁ ପୁଣିଥରେ ସଂଗଠିତ କରିବା ଏବେ ମୁଖ୍ୟ ଦାୟିତ୍ୱ ବୋଲି ସେ କହିଛନ୍ତି। ସୂଚନାଯୋଗ୍ୟ,ଗତ ଲୋକ ସଭା ନିର୍ବାଚନରେ କଂଗ୍ରେସର ଶୋଚନୀୟ ପରାଜୟ ପରେ ଏକ ଦଳୀୟ ବୈଠକରେ ଅଧ୍ୟକ୍ଷ ପଦରୁ ଇସ୍ତଫା ଦେବାପାଇଁ କହିଥିଲେ। ପ୍ରାୟ ଏକ ମାସ ହେବ ଦଳର ବିଭିନ୍ନ ନେତା ରାହୁଲଙ୍କୁ ପଦରେ ରହିବା ପାଇଁ ବୁଝାଉଥିଲେ। କିନ୍ତୁ ରାହୁଲ ନିଜ ଜିଦ୍ରେ ଅଟଳ ରହିଥିଲେ।
