ଭୁବନେଶ୍ୱର,୨୮।୫(ବ୍ୟୁରୋ): କଂଗ୍ରେସର ‘ସ୍ପିକ୍ ଅଫ୍ ଇଣ୍ଡିଆ’ କାର୍ଯ୍ୟକ୍ରମ ଗୁରୁବାର ଆରମ୍ଭ ହୋଇଛି। ଏହି ଅବସରରେ ପିସିସି ସଭାପତି ନିରଞ୍ଜନ ପଟ୍ଟନାୟକ ମନ୍ତବ୍ୟ ରଖି କହିଛନ୍ତି, ଏବେ କେନ୍ଦ୍ର ଏବଂ ରାଜ୍ୟରେ ‘୩-ପି’ ସରକାର ଚାଲିଛି। ପ୍ରତିଶ୍ରୁତି, ପ୍ରଚାର, ପ୍ରତାରଣାର ସରକାର ଚାଲିଛି। କରୋନା ସହ ଯୁଦ୍ଧ ବେଳେ ଉଭୟ ଭାଜପା ଓ ବିଜେଡି ପଞ୍ଚାୟତ ନିର୍ବାଚନ ପ୍ରସ୍ତୁତି କରୁଛନ୍ତି। ନିର୍ବାଚନ ସ୍ବପ୍ନ ନ ଦେଖି, ରାଜ୍ୟବାସୀଙ୍କ ସମସ୍ୟା ଦୂର କରନ୍ତୁ। ସରକାରଙ୍କ ତରଫରୁ କରାଯାଇଥିବା କ୍ୱାରାଣ୍ଟାଇନ୍ ସେଣ୍ଟରର ଅବ୍ୟବସ୍ଥା କଥା କହିଲେ ନ ସରେ। ଇଏ ୭ ଲକ୍ଷ ବେଡ୍ କହୁଛନ୍ତି। ୩ ଲକ୍ଷ ଲୋକ ଆସିଛନ୍ତି, ହେଲେ ଏକ ଲକ୍ଷ ପଳାଇଲେଣି ବୋଲି ନିରଞ୍ଜନ କଟାକ୍ଷ କରିଛନ୍ତି।
