ଚନ୍ଦ୍ରଗିରି,୧୨।୯ (ଡି.ଏନ୍.ଏ.): ଗଜପତି ଜିଲା ମୋହନା ଥାନା ପତି ଗୋବିନ୍ଦପୁର ଗ୍ରାମ ନିକଟ କିନିବିନି ପଲୋରେ ଗୁରୁବାର ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏକ ବାଇକ୍ ଦୁର୍ଘଟଣାଗ୍ରସ୍ତ ହେବାରୁ ଘଟଣା ସ୍ଥଳରେ ଜଣକର ମୃତ୍ୟୁ ଘଟିଥିବା ବେଳେ ଆଉ ଜଣେ ଗୁରୁତର ଆହତ ହୋଇଛନ୍ତି । ମୃତକ ହେଲେ ମୋହନା ଥାନା ଅନ୍ତର୍ଗତ ବୁର୍ଜାଙ୍ଗ ଗ୍ରାମର ରମାକାନ୍ତ ମଲ୍ଲିକ ଓ ଗୁରୁତର ବ୍ୟକ୍ତି ଜଣକ ହେଲେ ପାତ୍ର ମଳିକ। ଉଭୟେ ମୋହନାରୁ କୁମାଙ୍ଗପଦର ଗାଁକୁ ବାଇକ୍ରେ ଯାଉଥିଲେ। ତେବେ ଏକ ଟ୍ରାକ୍ଟରକୁ ଓଭରଟେକ୍ କରୁଥିବା ବେଳେ ଭାରସାମ୍ୟ ହରାଇ ପୋଲରେ ପିଟି ହୋଇଯାଇଥିଲେ। ତେବେ ଗୁରୁତର ବ୍ୟକ୍ତି ମୋହନା ମେଡିକାଲରେ ଚିକିତ୍ସାଧୀନ ଅଛନ୍ତି। ଘଟଣା ସ୍ଥଳରେ ମୋହନା ପୋଲିସ ପହଞ୍ଚି ତଦନ୍ତ ଜାରି ରଖିଛି ।
