ବର୍ଲିନ,୧୮।୨: ଲରିୟସ୍ ବିଶ୍ୱ ସ୍ପୋର୍ଟସ ପୁରସ୍କାର ଘୋଷଣା କରାଯାଇଛି। ରେସର୍ ଲୁଇସ୍ ହାମିଲଟନ୍ ଏବଂ ଫୁଟବଲର୍ ଲିଓନେଲ ମେସି ସଂଯୁକ୍ତ ଭାବେ ବିଶ୍ୱ ସ୍ପୋର୍ଟସ ମ୍ୟାନ୍ ଅଫ୍ ଦ ଇୟର୍ ପୁରସ୍କାର ଜିଣିଛନ୍ତି। ମାଷ୍ଟରବ୍ଲାଷ୍ଟର ସଚିନ ତେନ୍ଦୁଲକରଙ୍କୁ ସ୍ପୋର୍ଟିଙ୍ଗ୍ ମୋମେଣ୍ଟସ୍ ୨୦୦୦-୨୦୨୦ ପାଇଁ ପୁରସ୍କାର ମିଳିଛି। ୨୦୧୧ ବିଶ୍ୱକପ୍ ବିଜୟୀ ହେବା ପରେ ଭାରତୀୟ ଖେଳାଳିମାନେ ସଚିନଙ୍କୁ କାନ୍ଧରେ ବସାଇ ଷ୍ଟାଡିୟମରେ ବୁଲିଥିଲେ। ଏହି ସମୟରେ ସଚିନ ହାତରେ ତ୍ରିରଙ୍ଗା ଧରିଥିଲେ। ବିଶ୍ୱ କ୍ରୀଡା ଜଗତରେ ଏହି ମୂହୁର୍ତ୍ତକୁ ବେଶ୍ ପସନ୍ଦ କରାଯାଇଥିଲା। ସ୍ପୋର୍ଟିଙ୍ଗ୍ ମୋମେଣ୍ଟସ୍ ୨୦୦୦-୨୦୨୦ ପାଇଁ ଏହି ଫଟୋକୁ ଚୟନ ପାଇଁ ସର୍ବାଧିକ ଭୋଟ ମିଳିଥିଲା। ପୁରସ୍କାର ଗ୍ରହଣବେଳେ ସଚିନ କହିଛନ୍ତି, ଏହି ପୁରସ୍କାର ଜିତି ମୁଁ ବହୁତ୍ ଖଉସି ଅଛି। ଏଥିରୁ ପ୍ରମାାଣିତ ହେଉଛି ଖେଳ କେତେ ଶକ୍ତିଶାଳୀ ଏବଂ ଲୋକଙ୍କ ଜୀବନରେ ଏହା କେତେ ପ୍ରଭାବ ପକାଏ ବୋଲି ସେ ନିଜ ପ୍ରତିକ୍ରିୟାରେ କହିଛନ୍ତି।
