ଭାରତୀୟ ଦଳର ମଧ୍ୟକ୍ରମ ବ୍ୟାଟ୍ସମ୍ୟାନ୍ ତଥା କର୍ନାଟକ ରଣଜୀ ଦଳର ଅଧିନାୟକ ମନୀଷ ପାଣ୍ଡେ ହାତକୁ ଦି’ ହାତ ହେବାକୁ ଯାଉଛନ୍ତି। ସେ ଦକ୍ଷିଣ ଭାରତୀୟ ଅଭିନେତ୍ରୀ ଆଶ୍ରିତା ସେଟ୍ଟୀଙ୍କୁ ବିବାହ କରିବାକୁ ଯାଉଛନ୍ତି। ମୁମ୍ବାଇରେ ଆଡମ୍ବରର ସହ ବିବାହ ଆୟୋଜନ ହେଉଛି। ଉଭୟ କ୍ରିକେଟ ଏବଂ ସିନେ ଜଗତର ବହୁ ସେଲିବ୍ରିଟି ଏହି ବିବାହ ଉତ୍ସବରେ ଯୋଗ ଦେବେ ବୋଲି ଜଣାପଡିଛି। ମନୀଷ ପାଣ୍ଡେ କ୍ରିକେଟର ଏକ ବଡ ଚେହେରା ହୋଇଥିବାବେଳେ ଆଶ୍ରିତା ମଧ୍ୟ ଦକ୍ଷିଣ ଫିଲ୍ମ ଇଣ୍ଡଷ୍ଟ୍ରିରେ ବେଶ୍ ନାଁ କମାଇଛନ୍ତି। କନ୍ନିୟୁମ୍, ଉଡ୍ଡୟମ୍ ଏବଂ ଏନଏଚ-୪ ଭଳି ସୁପରହିଟ୍ ଫିଲ୍ମରେ ସେ ଅଭିନୟ କରିସାରିଛନ୍ତି। ମନୀଷ ଏବଂ ଆଶ୍ରିତା ଅନେକ ଦିନ ହେବ ପରସ୍ପର ଡେଟ୍ କରିଆସୁଛନ୍ତି। ନିକଟରେ ଅନୁଷ୍ଠିତ ସୟଦ ମୁସ୍ତାକ ଅଲ୍ଲୀ ଟ୍ରଫିକୁ କର୍ନାଟକକୁ ବିଜୟ ଦେବାରେ ମନୀଷଙ୍କୁ ବଡ ହାତ ରହିଛି।
