କରୋନା ଭାଇରସ କାରଣରୁ କୌଣସି କ୍ରିକେଟ ସିରିଜ୍ ଅନୁଷ୍ଠିତ ହୋଇପାରୁନାହିଁ। ଏହି କାରଣରୁ ଅଧିକାଂଶ କ୍ରିକେଟ ଖେଳାଳି ସୋସିଆଲ ମିଡିଆରେ ସକ୍ରିୟ ରହୁଛନ୍ତି। ଏହି ମହାମାରୀ ହେତୁ ଆଇପିଏଲ ମଧ୍ୟ ଅର୍ନିଦ୍ଦିଷ୍ଟ କାଳ ପାଇଁ ସ୍ଥଗିତ ରଖାଯିବା ପରେ କ୍ରିକେଟରଙ୍କ ପାଖରେ ବହୁତ ସମୟ ବାକି ଅଛି। ଅନେକ ଖେଳାଳି ନିଜ ଫ୍ରାଞ୍ଜାଇଜ୍ ସାଥୀ ଖେଳାଳିଙ୍କ ସହ ସୋସିଆଲ ମିଡିଆରେ ଲାଇଭ ଆସୁଛନ୍ତି। ଦୁଇଥର ଚାମ୍ପିଅନ କୋଲକାତା ନାଇଟ ରାଇଡର୍ସ ଏକ ନୂଆ ଶୋ ‘ଟୋଟାଲ ଷ୍ଟମ୍ପ ଡି.କେ’ ଆରମ୍ଭ କରିଛି। ଏହାକୁ ଦଳର ଅଧିନାୟକ ଦୀନେଶ କାର୍ତ୍ତିକ ଆୟୋଜନ କରୁଛନ୍ତି। କୋଲକାତା ନାଇଟ ରାଇଡର୍ସ ନିଜ ଟୁଇଟରରେ ଶୋ’ର ପ୍ରଥମ ଏପିସୋଡ ପୋଷ୍ଟ କରିଥିଲା। ଯେଉଁଥିରେ କାର୍ତ୍ତିକ ଅଲରାଉଣ୍ଡର ଆଣ୍ଡ୍ରେ ରସେଲ ଏବଂ ସୁନୀଲ ନାରିନଙ୍କ ସହ କଥା ହୋଇଥିଲେ। ଏହି ପର୍ଯ୍ୟାୟରେ ଏହି କ୍ରିକେଟର ମଜା କରିଥିଲେ। ଦୀନେଶ କାର୍ତ୍ତିକ ରସେଲଙ୍କୁ ପଚାରିଥିଲେ ମୁଁ ଶୁଣିଛି ଆପଣ ହେଲିକପ୍ଟର କିଣିବାକୁ ଚାହୁଁଛନ୍ତି କି, ତାହା ଠିକ କି? ଏହା ପରେ ରସେଲ କହିଥିଲେ, ସେ ହେଲିକପ୍ଟର କିଣିବାକୁ ଚାହୁଁନାହାଁନ୍ତି, ସେ ଏକ ଉଡନ୍ତା କାର କିଣିବାକୁ ଚାହୁଁଛନ୍ତି। ଯାହାଦ୍ୱାରା ଟ୍ରାଫିକ୍ରେ ଉଡିକି ଯାଇହେବ।
