ଆର୍‌ଆଇ ଧରିଲେ ପଥର ଟ୍ରକ୍‌
9:35 amDecember 30, 2019 / 21

ଖୁଣ୍ଟୁଣୀ,୨୯ା୧୨(ଡି.ଏନ.ଏ): ରବିବାର ରାତି ପ୍ରାୟ ୯ଟା ବେଳେ ଗୁରୁଡ଼ଝାଟିଆ ରାଜସ୍ବ ନିରୀକ୍ଷକ ସୁଚନ୍ଦ୍ର ମହାନ୍ତି ୪ଟି ଚୋରା ମାଙ୍କଡ଼ା ପଥର ଟ୍ରକ ଧରିଥିଲେ। ଏହି ଟ୍ରକ୍‌ଗୁଡ଼ିକ ଢ଼େଙ୍କାନାଳ ଜିଲା ବଳଦିଆବନ୍ଧରୁ ଆସୁଥିବା ଖବର ପାଇ ରାଜସ୍ବ ନିରୀକ୍ଷକ ମହାନ୍ତି ନିଜେ ରାସ୍ତାରେ ଜଗିଥିଲେ। ପୋଲିସକୁ ଏନେଇ ସୂଚନା ଦେଇ ନ ଥିଲେ। ଟ୍ରକ୍‌ଗୁଡ଼ିକୁ ନିଜେ ଗୋଡ଼ାଇ ଗୋଡ଼ାଇ ଧରିଥିଲେ। ସେଥିରୁ ୨ଟି ପଥର ବୋଝେଇ ଟ୍ରକ୍‌କୁ ଖୁଣ୍ଟୁଣୀ ଗୋଲେଇ ଛକ ନିକଟରେ କିଛି ସମୟ ରଖି ଛାଡ଼ିଦେଇଥିଲେ। ଅନ୍ୟ ୨ଟି ଟ୍ରକ୍‌(ଓଆର୍‌୦୪-ଇ-୪୬୪୭ ଏବଂ ଓଆର୍‌୦୫-ଏକ୍ସ-୧୦୪୮)କୁ ଖୁଣ୍ଟୁଣୀ ଥାନାରେ ଜିମା ଦେଇଛନ୍ତି। ସୋମବାର ତହସିଲଦାର୍‌ ଯାଞ୍ଚ କରିବା ପରେ ଜରିମାନା ଆଦାୟ କରାଯିବ।