ଆଜି ଖୋଲାଯିବ ରେଙ୍ଗାଳି ଗେଟ୍‌
8:35 amSeptember 15, 2019 / 21

କଣିହାଁ,୧୫।୯(ଡି.ଏନ.ଏ.) – କଣିହାଁ ବ୍ଲକ ରେଙ୍ଗାଳି ଡ୍ୟାମ୍‌ରେ ଜଳସ୍ତର ବୃଦ୍ଧି ପାଇଥିବାରୁ ରବିବାର ପୂର୍ବାହ୍ନ ୯ଟାରେ ଗୋଟିଏ ଗେଟ ଖୋଲାଯିବ ବୋଲି ଡ୍ୟାମ୍‌ ନିର୍ବାହୀ ଅଧିକାରୀ ଅଜିତ କୁମାର ଜେନା ଗଣମାଧ୍ୟମକୁ ଜଣାଇଛନ୍ତି। ଜେନା କହିଛନ୍ତି, ଶନିବାର ରାତି ୯ଟା ସୁଦ୍ଧା ନଦୀ ବନ୍ଧକୁ ୧୪୪୪.୭୮ ଘନ ମିଟର ଜଳ ପ୍ରବେଶ କରୁଛି। ବିଦ୍ୟୁତ୍‌ ଉତ୍ପାଦନକୁ ନେଇ ପ୍ରତି ସେକେଣ୍ଡରେ ପାଓ୍ବାର ହାଉସରୁ ୫୩୩.୬୦ ଘନ ମିଟର ଜଳ ନିଷ୍କାସନ ହେଉଛି। ଡ୍ୟାମ୍‌ର ଜଳଧାରଣା କ୍ଷମତା ୧୨୩.୫୦ ମିଟର ଥିବାବେଳେ ଜଳସ୍ତର ୧୨୩.୧୬ ମିଟରରେ ପହଞ୍ଚିଛି। ତେଣୁ ୨ୟ ଥର ପାଇଁ ୭ନଂ. ଗେଟ ରବିବାର ଖୋଲାଯାଇ ବନ୍ୟାଜଳ ନିଷ୍କାସନ କରାଯିବ। ଗତ ୮ ତାରିଖରେ ଗୋଟିଏ ଗେଟ୍‌ ଖୋଲାଯାଇଥିଲା।