ଲଣ୍ଡନ, ୧୮ା୫ (ପି.ଟି.)-ଇଣ୍ଟରନ୍ୟାଶନାଲ କ୍ରିକେଟ କାଉନ୍ସିଲ (ଆଇସିସି)ର ପୁରୁଷ ବିଶ୍ୱକପ୍ ପାଇଁ ପ୍ରସ୍ତୁତ କରାଯାଇଥିବା ଗୀତ ଶୁକ୍ରବାର ରିଲିଜ ହୋଇଛି। ଏହାର ଶୀର୍ଷକ ‘ଷ୍ଟାଣ୍ଡ ବାଏ’ ରହିଛି। ନୂତନ କଣ୍ଠଶିଳ୍ପୀ ଲୋରିନ୍ ଏଥିରେ କଣ୍ଠଦାନ କରିଥିବାବେଳେ ଇଂଲଣ୍ଡର ସୁପ୍ରସିଦ୍ଧ ଡ୍ରମ୍ ଓ ବ୍ରାସ୍ ବ୍ୟାଣ୍ଡ୍ ରୁଡିମେଣ୍ଟାଲ ଏଥିରେ ସଂଗୀତ ସଂଯୋଜନା କରିଛି। ଚଳିତ ମାସ ୩୦ରୁ ୟୁନାଇଟେଡ କିଙ୍ଗ୍ଡମ୍ରେ ଖେଳାଯିବାକୁଥିବା ଆଇସିସି ବିଶ୍ୱକପ୍ରେ ମୋଟ ୪୮ଟି ମ୍ୟାଚ ଖେଳାଯିବ। ଜୁଲାଇ ୧୪ରେ ଏହାର ଉଦ୍ଯାପନ ହେବ। ‘ଷ୍ଟାଣ୍ଡ ବାଏ’ ଗୀତଟିରେ ନିଜ ନିଜ ଦଳ ପ୍ରତି କ୍ରିକେଟ ପ୍ରେମୀଙ୍କର ରହିଥିବା ଆବେଗର ପ୍ରତିଫଳନ ହୋଇଛି।
