ଭୁବନେଶ୍ୱର,୩-୮(ବ୍ୟୁରୋ)
ଆପଲ୍ ପ୍ରଡକ୍ଟର ପ୍ରିମିୟମ ଷ୍ଟୋର ‘ଆଇଡେଷ୍ଟିନି’ ଭୁବନେଶ୍ୱରର ଏସ୍ପ୍ଲାନେଡ ଓ୍ବାନ ମଲ୍ଠାରେ ଖୋଲିଛି। ନୂଆ ଷ୍ଟୋରକୁ ଓଡ଼ିଆ ସିନେ ଅଭିନେତ୍ରୀ ଏଲିନା ସାମନ୍ତରାଏ ଏବଂ ସି.ଏସ୍. ଟ୍ରେଡ ଲିଙ୍କ ପ୍ରାଇଭେଟ ଲିମିଟେଡର ଡାଇରେକ୍ଟର ବିଜୟ ଦୁଗର ଶୁଭାରମ୍ଭ କରିଛନ୍ତି। ଗ୍ରାହକଙ୍କୁ ଆପଲ୍ ପ୍ରଡକ୍ଟର ଶ୍ରେଷ୍ଠ ଅନୁଭୂତି ପ୍ରଦାନ ଲାଗି ଏଭଳି ଏକ ଷ୍ଟୋର ଓଡିଶାରେ ପ୍ରଥମ ଥର ଲାଗି ଖୋଲାଯାଇଥିବା ଦୁଗର୍ କହିଛନ୍ତି। ଏଠାରେ ଆପଲ୍ ଆଇଫୋନ ଏକ୍ସଏସ୍, ଆଇଫୋନ ଏକ୍ସଆର୍, ମ୍ୟାକ୍ବୁକ ଏୟାର, ମ୍ୟାକ୍ବୁକ୍ ପ୍ରୋ ଏବଂ ଆପଲ୍ ଓ୍ବାଚ୍ ସିରିଜ ରହିଛି। ଗ୍ରାହକଙ୍କୁ ସୁଲଭତା, ଭରଷା, ଉନ୍ନତ ସେବା, ଉପଲବ୍ଧତା ଦ୍ୱାରା ସ୍ବତନ୍ତ୍ର କ୍ରୟ ଅଭିଜ୍ଞତା ପ୍ରଦାନ ଲକ୍ଷ୍ୟ ରହିଥିବା ସେ ପ୍ରକାଶ କରିଛନ୍ତି। ମଲ୍ର ଅପର୍ ଗ୍ରାଉଣ୍ଡ ଫ୍ଲୋରରେ ଷ୍ଟୋରଟି ଅବସ୍ଥିତ। ଏଠାରେ ଏକ ତାଲିମ ପ୍ରାପ୍ତ ଟିମ୍ ରହିଛି।
ଏହା ବାଦ୍ ଷ୍ଟୋରରେ ହାଇଏଣ୍ଡ ମ୍ୟୁଜିକ ଉପକରଣ ଯଥା- ବୋସ ସ୍ପିକର, ହେଡ୍ ସେଟ, ଆଙ୍କର ସାଉଣ୍ଡ ସିଷ୍ଟମ, ବିଟ୍ ହେଡଫୋନ, ଆପଲ ଆସେସୋରିଜ, ଆଇଫୋନ କଭର ବ୍ୟତୀତ ଆଇଫୋନ ଉପରେ ୬ ମାସର ସ୍କ୍ରିନ ରିପ୍ଲେସମେଣ୍ଟ ମାଗଣାରେ ଉପଲବ୍ଧ। ଷ୍ଟୋରରେ ଇଏମ୍ଆଇ ସୁବିଧା ଏବଂ ବାଏବ୍ୟାକ୍ ସ୍କିମ ରହିଛି। ସହଜ କିସ୍ତିରେ ପ୍ରଡକ୍ଟ କିଣିବାକୁ ଗ୍ରାହକ ସକ୍ଷମ ହୋଇ ପାରିବେ। ୩ ମାସରୁ ୨ ବର୍ଷ ଅବଧିର ମାସିକ ସ୍କିମ ଗ୍ରାହକ ଚୟନ କରିପାରିବେ। ସେହିଭଳି ଛାତ୍ରୀଛାତ୍ର ଏବଂ ବ୍ୟବସାୟ ବର୍ଗର ଗ୍ରାହକଙ୍କ ଲାଗି ସ୍ବତନ୍ତ୍ର ଅଫର ଗ୍ରାହକ ପାଇପାରିବେ ବୋଲି ଆଇଡେଷ୍ଟିନି ବିଜନେସ ହେଡ ରାଜଶ୍ରୀ ବାନାର୍ଜି କହିଛନ୍ତି।
