ରସୁଲପୁର,୧।୮(ଡି.ଏନ୍.ଏ.): ଯାଜପୁର ଜିଲା ରସୁଲପୁର ବ୍ଲକ ବ୍ରହ୍ମବରଦା ପଞ୍ଚାୟତର ପଠାଣ ମହାଲାରେ ରହୁଥିବା ମା’ ୱାହେଦା ପରବିନ୍ ଓ ତାଙ୍କ ୧୨ବର୍ଷର ଝିଅଙ୍କୁ ରସୁଲପୁର ତହସିଲଦାର ଜ୍ୟୋତିକାନ୍ତ ଭୁଜବଳ ସହାୟତାରେ ବଢାଇଛନ୍ତି। ଏହି ମା’ଝିଅ ଗତ କିଛିଦିନ ହେଲା ଅର୍ଥାଭାବରୁ ରନ୍ଧାଖାଦ୍ୟ ଖାଇ ନ ଥିଲେ। ଏପରି କି ଶୁଖିଲା ଖାଦ୍ୟ ବି ସେମାନଙ୍କୁ ମିଳି ନ ଥିଲା। ବିନା ଖାଦ୍ୟରେ ସେମାନେ ଜୀବନ ବିତାଉଥିବାନେଇ ଧରି ଗଣମାଧ୍ୟମରେ ପ୍ରକାଶ ପାଇବାପରେ ମଙ୍ଗଳବାର ରାତିରେ ତହସିଲଦାର ଉକ୍ତ ପରିବାର ନିକଟରେ ପହଞ୍ଚତ୍ ଥିଲେ। ୱାହେଦାଙ୍କ ଘରର ସ୍ଥିତି ପରଖି ଥିଲେ । ସେ ଏକ ଭଙ୍ଗା କୁଡିଆ ଘରେ ବାସ କରୁଥିବା ଦେଖିଥିଲେ । ଘର ଭିତରେ ବର୍ଷାପାଣି ଓଦା ହୋଇଯାଇଥିଲା । ଘର ଭିତରେ ଗୃହପାଳିତ ପଶୁ ଛେଳି ଓ କୁକୁଡାଙ୍କ ସହ ଏକାଠି ମା’,ଝିଅ ରହୁଥିବା ସ୍ଥିତିକୁ ତହସିଲଦାର ବେଶ୍ ଅନୁଭବ କରିବା ସହ ଉକ୍ତ ପରିବାରକୁ ଏକ ପଲିଥିନ, ରାଶନ ସାମଗ୍ରୀ ଓ ନିଜସ୍ବ ତରଫରୁ ୧ହଜାର ଟଙ୍କା ଆର୍ଥତ୍କ ସହାୟତା ପ୍ରଦାନ କରିଛନ୍ତି। ଉକ୍ତ ପରିବାରକୁ ପ୍ରଧାନମନ୍ତ୍ରୀ ଆବାସ ଯୋଜନାରେ ଏକ ସରକାରୀ ଆବାସ ମିଳିଛି ା ଉକ୍ତ ଘର ନିର୍ମାଣ କାର୍ଯ୍ୟ ଅର୍ଦ୍ଧନିର୍ମିତ ଅବସ୍ଥାରେ ରହିଛି। ନିର୍ମାଣ ସରିଥିବା ଅଂଶ ପାଇଁ ବ୍ଲକ ତରଫରୁ ବିଲ୍ ମିଳି ନ ଥିବାରୁ ଏହାର ତୁରନ୍ତ ସାମଧାନ ପ୍ରତି ଗୁରୁତ୍ୱ ପ୍ରଦାନ କରିବେ ବୋଲି ତହସିଲଦାର ପ୍ରତିଶ୍ରୁତି ପ୍ରଦାନ କରିଥିଲେ। ଏଥି ପୂର୍ବରୁ ସୋମବାର ସମାଜସେବିକା ଅହଲ୍ୟା ମଣ୍ଡଳ ଉକ୍ତ ପରିବାରକୁ ଆର୍ଥିକ ସହାୟତା ପ୍ରଦାନ କରିବା ସହ ରାଶନ ସାମଗ୍ରୀ ପ୍ରଦାନ କରିଥିଲେ। ଏ ସମ୍ପର୍କରେ ତହସିଲଦାର ଭୁଜବଳଙ୍କୁ ପଚାରିବାରୁ କ୍ଷେତ୍ର ପରିଦର୍ଶନ କରି ମା’,ଝିଅଙ୍କ ବାସ୍ତବ ସ୍ଥିତି ସମ୍ପର୍କରେ ଅବଗତ ହୋଇଥିବା ପ୍ରକାଶ କରିବା ସହ ଉକ୍ତ ପରିବାରକୁ ସମସ୍ତ ପ୍ରକାର ଆବଶ୍ୟକୀୟ ସହଯୋଗ ଯୋଗାଇଦେବାକୁ ସେ ପ୍ରୟାସ କରିବେ ବୋଲି କହିଛନ୍ତି।
