ଭୋପାଳ,୧୩।୭: ମଧ୍ୟପ୍ରଦେଶ ଭୋପାଳର ପୋଲିସକର୍ମୀ କୈଳାଶ ପାଓ୍ବାର ଓ୍ବିଙ୍ଗ କମାଣ୍ଡର ଅଭିନନ୍ଦନ ବର୍ଥମାନଙ୍କ ନିଶ ଭଳି ନିଶ ରଖି ଏବେ ଆସିଛନ୍ତି ଚର୍ଚ୍ଚାକୁ। ଏହାକୁ ନେଇ କୈଳାଶ କହିଛନ୍ତି ଅସଲି ହିରୋଙ୍କ ନକଲ କରୁଛି। ଏହାସହ ଅଭିନନ୍ଦନଙ୍କ ଭଳି ନିଶ ରଖିଲେ ଅଧିକ ଦେଶଭକ୍ତି ମନରେ ଆସିବ। ଫିଲ୍ମର ହିରୋଙ୍କ ଭଳି ଷ୍ଟାଇଲ କଲେ ଏଥିରେ କୌଣସି ଲାଭ ନାହିଁ ବରଂ ଅଭିନନ୍ଦନ ଯେଭଳି ବୀରତାର ପରିଚୟ ଦେଲେ ସେ ହିଁ ପ୍ରକୃତ ହିରୋ ବୋଲି କହିଛନ୍ତି କୈଳାଶ। ସୂଚନାଯୋଗ୍ୟ, ପାକିସ୍ତାନର ବାଲାକୋଟ ଆକ୍ରମଣ ପରେ ଦେଶରେ ହିରୋ ପାଲଟି ଯାଇଥିବା ଭାରତୀୟ ବାୟୁସେନାର ଓ୍ବିଙ୍ଗ କମାଣ୍ଡର ଅଭିନନ୍ଦନ ବର୍ଥମାନଙ୍କର ବହୁ ପ୍ରଶଂସକ ରହିଛନ୍ତି। ଯେ ଯେଭଳି ଭାବେ ବାଲାକୋଟ ଆକ୍ରମଣରେ ସାମିଲ ହୋଇଥିଲେ ତାହା ସମସ୍ତ ଭାରତୀୟଙ୍କ ପାଇଁ ଗର୍ବର ବିଷୟ।
