ନୂଆଦିଲ୍ଲୀ,୨୫-୧୧: ରିଲାଏନ୍ସ କମ୍ୟୁନିକେଶନରେ ଅଧ୍ୟକ୍ଷ ତଥା ନିର୍ଦ୍ଦେଶକ ପଦବୀରୁ ଅନିଲ ଅମ୍ବାନୀଙ୍କ ସମେତ ଅନ୍ୟ ୪ ନିର୍ଦ୍ଦେଶକ ନିକଟରେ ଇସ୍ତଫା ଦେଇଥିଲେ। ବର୍ତ୍ତମାନ ଇନସଲଭେନ୍ସି ପ୍ରକ୍ରିୟା ଦେଇ ଚାଲୁଥିବା ଏହି କମ୍ପାନୀର ଋଣଦାତାମାନେ ସେମାନଙ୍କ ଇସ୍ତଫା ପତ୍ରକୁ ନାମଞ୍ଜୁର କରି ଦେଇଛନ୍ତି। ଇନସଲଭେନ୍ସି ପ୍ରକ୍ରିୟାରେ ସହଯୋଗ କରିବା ଲାଗି ଏମାନଙ୍କୁ କୁହାଯାଇଛି। ବିଏସ୍ଇକୁ କମ୍ପାନୀ ପକ୍ଷରୁ ଶନିବାର ଏହି ସୂଚନା ଦିଆଯାଇଛି। ରାୟନା କରାନି,ଛାୟା ବିରାନି, ମଞ୍ଜରୀ କାକେର ଏବଂ ସୁରେଶ ରଙ୍ଗାଚାର ନିର୍ଦ୍ଦେଶକ ପଦବୀରୁ ଇସ୍ତଫା ଦେଇଥିଲେ। ନିକଟରେ କମ୍ପାନୀର ବୋର୍ଡ ବୈଠକ ବସିଥିବା ବେଳେ ଇସ୍ତଫାପତ୍ରକୁ ନ ଗ୍ରହଣ କରିବା ଲାଗି ଏଠାରେ ନିଷ୍ପତ୍ତି ହୋଇଥିଲା। ନିର୍ଦ୍ଦେଶକ ଭାନେ ଏମାନଙ୍କୁ ଦାୟିତ୍ୱ ନିର୍ବାହ କରିବା ଲାଗି ପ୍ରସ୍ତାବ ଦିଆଯାଇଛି। ଟେଲିକମ୍ କ୍ଷେତ୍ରର ପୁରୁଣା ବକେୟା ପ୍ରଦାନ ଲାଗି ନିକଟରେ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି। ଏହା ପରେ କମ୍ପାନୀକୁ ୩୦ ହଜାର କୋଟି ଟଙ୍କାରୁ ଉର୍ଦ୍ଧ୍ୱ କ୍ଷତି ସହିବାକୁ ପଡିଛି। ଗୋଟିଏ ତ୍ରୈମାସ କ୍ଷତି କ୍ଷେତ୍ରରେ କୌଣସି ଭାରତୀୟ କମ୍ପାନୀ ଲାଗି ଏହା ଦ୍ୱିତୀୟ ବଡ କ୍ଷତି ବୋଲି ଜଣାପଡିଛି।