ନୟାଗଡ଼ ଅଫିସ,୯ା୮: ଦଶପଲ୍ଲା ବ୍ଲକ ଟାକେରା ଆଶ୍ରମ ବିଦ୍ୟାଳୟକୁ ଖବର ସଂଗ୍ରହ ପାଇଁ ଯାଇଥିବା ବେଳେ ଖବରଦାତାମାନଙ୍କୁ ଦୁର୍ବ୍ୟବହାର କରାଯାଇଥିଲା। ଏଥିରେ ସମ୍ପୃକ୍ତ ଶିକ୍ଷକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରି ଖବରଦାତାମାନେ ଥାନା ଆଗରେ ଅନଶନ ଚଳାଇଥିଲେ। ହେଲେ ଗୁରୁବାର କେତେଜଣ ଯୁବକ ଅନଶନସ୍ଥଳରେ ପହଞ୍ଚତ୍ ଖବରଦାତାଙ୍କୁ ଆକ୍ରମଣ କରିବା ସହିତ ଟେଣ୍ଟ ଭାଙ୍ଗିଦେଇଛନ୍ତି। ଏହି ଘଟଣାକୁ ସାଧାରଣରେ ନିନ୍ଦା କରାଯାଇଛି। ପ୍ରକାଶ ଯେ, ଦୁଇଦଫା ଦାବି ନେଇ ଖବରଦାତା କ୍ରିୟାନୁଷ୍ଠାନ କମିଟି ପକ୍ଷରୁ ପ୍ରଥମେ ଧାରଣା ଓ ପରେ ଆମରଣ ଅନଶନ ଆରମ୍ଭ ହୋଇଥିଲା। ଗୁରୁବାର ଏହା ୪ର୍ଥ ଦିନରେ ପହଞ୍ଚତ୍ଥିଲା। ଅପରାହ୍ନରେ ସ୍ଥାନୀୟ ବିଧାୟକ ରମେଶ ଚନ୍ଦ୍ର ବେହେରା ଅନଶନସ୍ଥଳରେ ପହଞ୍ଚତ୍ ଖବରଦାତାଙ୍କ ସହ ଆଲୋଚନା କରିଥିଲେ। ବିଧାୟକ ସେଠାରୁ ଫେରିବା ପରେ ହଠାତ୍ କେତେଜଣ ଯୁବକ ପହଞ୍ଚତ୍ ଖବରଦାତାଙ୍କୁ ଆକ୍ରମଣ ସହ ଟେଣ୍ଟ ଭାଙ୍ଗି ଦେଇଥିଲେ। ଏ ନେଇ ଦଶପଲ୍ଲା ଥାନାରେ କୌଣସି ଅଭିଯୋଗ ହୋଇ ନ ଥିବା ପୋଲିସ ପକ୍ଷରୁ ସୂଚନା ଦିଆଯାଇଛି।
