ଦୈନିକ ଠିକ୍ ଅନୁପାତରେ ପାଣି ପିଇବା ଜରୁରୀ। ଏହା ସ୍ବାସ୍ଥ୍ୟ ପାଇଁ ଲାଭଦାୟକ ହୋଇଥାଏ। ମାତ୍ର ଆବଶ୍ୟକତାଠାରୁ ଅଧିକ ପାଣି ପିଇବା ଫଳରେ ଶରୀର ଉପରେ ଏହାର ଖରାପ ପ୍ରଭାବ ପଡିଥାଏ। ଦିନକୁ ୯ରୁ ୧୩ ଗ୍ଲାସ୍ ପାଣି ପିଇବା ଉଚିତ। ଏହାଠାରୁ ଅଧିକ କିମ୍ବା ବିନା କାରଣରେ ପାଣି ପିଇବା ଉଚିତ ନୁହେଁ।
କେବଳ ଶୋଷ ଲାଗିବା ସମୟରେ ପାଣି ପିଇବା ଉଚିତ। କାରଣ ଏହା ଶରୀରରେ ମହଜୁଦ ଥିବା ବିଦ୍ୟୁତ୍ବାହୀ ଦ୍ରାବକ ପଦାର୍ଥ ଯଥା ପୋଟାସିୟମ, ସୋଡିୟମ ଓ ମ୍ୟାଗ୍ନେସିୟମ ଆଦି ଅସନ୍ତୁଳିତ ହୋଇଥାଏ। ଅଧିକ ପାଣି ପିଇବା ଦ୍ୱାରା ହାର୍ଟରୁ ଆରମ୍ଭ କରି କିଡ୍ନୀ ପର୍ଯ୍ୟନ୍ତ ସଞ୍ଚାଳନ ହେଉଥିବା ଏହି ପଦାର୍ଥଗୁଡ଼ିକର ସନ୍ତୁଳନ ବିଗିଡିଯାଏ।
ଯଦି ପରିସ୍ରାର ରଙ୍ଗ ଗାଢ଼ ହୋଇଥାଏ ତେବେ ଏହା ଡିହାଇଡ୍ରେଶନର ଲକ୍ଷଣ ହୋଇଥାଏ। ମାତ୍ର ଏହାର ଅର୍ଥ ଆପଣ ଅଧିକ ପାଣି ପିଇଲେ ପରିସ୍ରା ଧଳା ହେବା ଉଚିତ ନୁହେଁ। ବିଶେଷଜ୍ଞଙ୍କ ମତରେ ପରିସ୍ରାର ରଙ୍ଗ ଟିକେ ହଳଦିଆ ରହିବା ଆବଶ୍ୟକ। କାରଣ ପରିସ୍ରାର ରଙ୍ଗ ଏପରି ହେବାଫଳରେ ହାଇଡ୍ରେଶନ ଭଲ ହୋଇଥାଏ। ପରିସ୍ରା ଧଳା ହେବା ଫଳରେ ପାଣି ପିଇବା କମ୍ ଦରକାର।
ଯଦି ବ୍ୟକ୍ତି ବାରମ୍ବାର ପରିସ୍ରା କରିବାକୁ ଯାଇଥାଏ କିମ୍ବା ରାତିରେ ଉଠି ମଧ୍ୟ ପରିସ୍ରା କରିଥାଏ, ତେବେ ସେ ଅଧିକ ପାଣି ପିଇଥାଏ। ଏହାର ଅନ୍ୟ କାରଣ ମଧୁମେହ ଓ ମୂତ୍ରାଶୟ ସଂକ୍ରମଣ ମଧ୍ୟ ହୋଇପାରେ। ଅଧିକ ପାଣି ପିଇବା ଫଳରେ ରକ୍ତରେ ସୋଡିୟମ ମାତ୍ରା କମ୍ ହୋଇଯାଇଥାଏ। ଏହା ଦ୍ୱାରା ହାତ, ପାଦ ଓ ଓଠ ମଧ୍ୟ ଫୁଲିଯାଏ।
