ବାଲିଗୁଡା/କ.ନୂଆଗାଁ,୧୫ା୧୦(ଡି.ଏନ୍.ଏ.)- ବାଲିଗୁଡା ବନଖଣ୍ଡ ଅଧୀନ କିରିକୁଟି ପଞ୍ଚାୟତ ୫୯ନଂ. ଜାତୀୟ ରାଜପଥ କ.ନୂଆଗାଁ ବନ ବିଭାଗ ତରଫରୁ ସୋମବାର ରାତ୍ରକାଳୀନ ପାଟ୍ରୋଲିଙ୍ଗ ଚାଲିଥିଲା। କିରିକୁଟି ଗ୍ରାମକୁ ଯାଉଥିବା ଏକ ଅଟୋ (ନଂ.ଓଡ଼ି୧୨ଏ-୨୩୭୪)କୁ ଲକଟି ଛକ ନିକଟରେ ବନ କର୍ମଚାରୀ ଅଟକାଇଥିଲେ। ଯାଞ୍ଚବେଳେ ସେଥିରୁ ୫ଟି ଶାଳକାଠ ଜବତ କରିବା ସହ ୨ଜଣଙ୍କୁ ଗିରଫ କରାଯାଇଥିବା କ.ନୂଆଗାଁ ବନାଞ୍ଚଳ ଅଧିକାରୀ ସଞ୍ଜୟ ସାହୁ ସୂଚନା ଦେଇଛନ୍ତି। ଗିରଫ ଦ୍ୱୟହେଲେ କୁମ୍ଭାରମୁଣ୍ଡା ଗ୍ରାମର ଜୀରିମିୟ ପ୍ରଧାନ ଓ କିରିକୁଟି ଗ୍ରାମର ସାଇବରାଜ ନାୟକ। ୨ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ବନାଞ୍ଚଳ ଅଧିକାରୀ ସାହୁ ପ୍ରକାଶ କରିଛନ୍ତି l ଏହି ଚଢ଼ାଉରେ ବନପାଳ ସରୋଜ କୁମାର ମଙ୍ଗରାଜ, କ. ନୂଆଗାଁ ବନରକ୍ଷୀ ଜଗତ୍ଜ୍ୟୋତି ନାୟକ, ମକବାଲି ବନରକ୍ଷୀ କୁମୁଦ ଚନ୍ଦ୍ର ବେହେରା, ପ୍ରମୁଖ ସହଯୋଗ କରିଥିଲେ।
