ନୂଆଦିଲ୍ଲୀ,୧୨-୧୦: ଚଳିତ ବର୍ଷ ଅଗଷ୍ଟ ମାସରେ ଦେଶର ଶିଳ୍ପ କ୍ଷେତ୍ର ଉତ୍ପାଦନ ୧.୧%କୁ ହ୍ରାସ ଘଟିଛି। ମାନୁଫାକ୍ଚରିଂ, ଶକ୍ତି ଉତ୍ପାଦନ ଏବଂ ଖଣି କ୍ଷେତ୍ରରେ କାର୍ଯ୍ୟକଳାପ ଉନ୍ନତ ନ ହେବାରୁ ଏଭଳି ସ୍ଥିତି ଉପୁଜିଥିବା ସରକାରୀ ତଥ୍ୟରୁ ଜଣାପଡିଛି। ୨୦୧୮ ଅଗଷ୍ଟରେ ଔଦ୍ୟୋଗିକ ଉତ୍ପାଦନ ସୂଚୀ(ଆଇଆଇପି) ଅଭିବୃଦ୍ଧି ଘଟି ୪.୮% ରହିଥିଲା। ଆଇଆଇପିକୁ ୭୭% ଅବଦାନ ରଖୁଥିବା ମାନୁଫାକ୍ଚରିଂ କ୍ଷେତ୍ରରେ ଉତ୍ପାଦନ ୧.୨%କୁ ଖସିଛି। ଏହା ଗତ ବର୍ଷ ଅଗଷ୍ଟରେ ୫.୨%କୁ ଅଭିବୃଦ୍ଧି ଘଟିଥିଲା। ସେହିଭଳି ବିଦ୍ୟୁତ ଉତ୍ପାଦନ ଅଭିବୃଦ୍ଧି ଗତ ବର୍ଷ ଅଗଷ୍ଟରେ ୭.୬% ରହିଥିବା ବେଳେ ଏହା ଚଳିତ ବର୍ଷ ୦.୯%କୁ ଖସିଛି। ଖଣି କ୍ଷେତ୍ର ଅଭିବୃଦ୍ଧି ୦.୧% ରହିଛି। ଏପ୍ରିଲ-ଅଗଷ୍ଟ ସମୟରେ ମୋଟ ଆଇଆଇପି ଅଭିବୃଦ୍ଧି ୨.୪% ରହିଛି। ଏହା ଗତବର୍ଷ ସମାନ ସମୟରେ ୫.୩% ରହିଥିଲା।
