ପୁଣେ,୧।୬: ମହାରାଷ୍ଟ୍ରର ପୁଣେଠାରୁ ମୁମ୍ବାଇ ଯାଉଥିବା ଡେକାନ୍ କୁଇନ୍ ରେଳଗାଡ଼ିକୁ ଶନିବାର ୯୦ ବର୍ଷ ରେ ପାଦଦେଇଛି। ୧୯୩୦ ଜୁନ୍ ୧ରେ ଏହା ଯାତ୍ରା ଆରମ୍ଭ କରିଥିଲା। ୮୯ ବର୍ଷର ଐତିହାସକ ଯାତ୍ରା ସମ୍ପନ୍ନ କରି ଏବେ ଏହା ୯୦ ବର୍ଷ ଛୁଇଁଛି। ଏହା ସେତେବେଳେର ସବୁଠାରୁ ବିଳାସପୂର୍ଣ୍ଣ ରେଳଗାଡ଼ିଥିଲା। ପ୍ରଥମେ ଏଥିରେ ୭ଟି କୋଚ୍କୁ ସାମିଲ୍ କରାଯାଇଥିଲା। ଏହାକୁ ଜିଆଇପି ରେଲଓ୍ବେର ମଣ୍ଟୁଗାଁ ଓ୍ବାର୍କଶପ୍ରେ ନିର୍ମାଣ କରାଯାଇଥିଲା। ପ୍ରଥମେ ଡେକାନ୍ କୁଇନ୍ରେ ପ୍ରଥମ ଓ ଦ୍ୱିତୀୟ ଶ୍ରେଣୀ ସୁବିଧା ଥିଲା। ପରେ ୧୯୪୯ ଜାନୁୟାରୀ ୧ରେ ପ୍ରଥମଶ୍ରେଣୀକୁ ବନ୍ଦ କରାଯାଇ ଏହାର ଦ୍ୱିତୀୟ ଶ୍ରେଣୀକୁ ରି ଡିଜାଇନିଂ କରାଯାଇଥିଲା। ୧୯୫୫ ଜୁନ୍ରେ ଏଥିରେ ତୃତୀୟ ଶ୍ରେଣୀକୁ ଅନ୍ତର୍ଭୁକ୍ତ କରାଯାଇଥିଲା। ୧୯୬୬ରେ ,ହାର କୋଚ୍କୁ ପୁଣିଥରେ ନିର୍ମାଣ କରାଯାଇଥିଲା। ୧୯୭୪ ଏପ୍ରିଲ୍ରେ ଏହାର ଦ୍ୱିତୀୟ ଶ୍ରେଣୀର ରିଡିଜାଇନିଂ ହୋଇଥିଲା। ପରବର୍ତ୍ତୀ ସମୟରେ ,ହାର କୋଚ୍ ସଂଖ୍ୟା ୧୭କୁ ବୃଦ୍ଧି କରାଯାଇଥିଲା। ୧୯୯୫ଠାରୁ ଏଥିରେ ୫ ଏସି ଚେୟାର ପ୍ରଥମ ଶ୍ରେଣୀ ସୁବିଧା, ୧୦ ଦ୍ୱିତୀୟ ଶ୍ରେଣୀ ଚେୟାରକୁ ସାମିଲ୍ କରାଯିବା ସହିତ ସିଟ୍ ସଂଖ୍ୟା ୧୪୧୭କୁ ବଢ଼ାଯାଇଥିଲା। ପୂର୍ବରୁ ଏହା ୧୨୩୨ ଥିଲା।
