ଭୁବନେଶ୍ୱର,୨୩।୫(ବ୍ୟୁରୋ): ରାଜ୍ୟରେ ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି। ଶନିବାର ଆଉ ୮୦ ଆକ୍ରାନ୍ତ ଚିହ୍ନଟ ହେବା ପରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୨୬୯କୁ ବୃଦ୍ଧି ପାଇଛି। ସେଥିରୁ ୮୨୬ ଆକ୍ଟିଭ୍ କେସ୍ ରହିଥିବା ବେଳେ ୪୩୬ଜଣ ସୁସ୍ଥ ହୋଇ ଫେରୁଛନ୍ତି। ସେହିଭଳି ୭ଜଣଙ୍କ ମୃତ୍ୟୁ ଘଟିଛି। ତେବେ ଜିଲାଓ୍ବାରୀ କରୋନା ତଥ୍ୟକୁ ଯଦି ଦେଖାଯାଏ ତେବେ ସର୍ବାଧିକ ଆକ୍ରାନ୍ତ ଜିଲାଭାବେ ଗଞ୍ଜାମ ଶୀର୍ଷରେ ରହିଛି।
ଗଞ୍ଜାମରୁ ୧୯ ଆକ୍ରାନ୍ତ ଚିହ୍ନଟ ହେବା ପରେ ପଜିଟିଭ୍ ସଂଖ୍ୟା ୩୪୧ରେ ପହଞ୍ଚିଛି। ଯାଜପୁରରୁ ୧୪ ଚିହ୍ନଟ ପରେ ପଜିଟିଭ୍ ସଂଖ୍ୟା ୨୩୯ ହୋଇଛି। ବାଲେଶ୍ୱରରୁ ନୂଆ ୩ ଆକ୍ରାନ୍ତ ପରେ ସଂଖ୍ୟା ୧୨୮ ହୋଇଛି। ପୁରୀରୁ ନୂଆ ୧୭ ଚିହ୍ନଟ ପରେ ଜିଲାରେ ମୋଟ ପଜିଟିଭ୍ ସଂଖ୍ୟା ୬୫ ହୋଇଛି। କଟକରେ ପୁଣି ଜଣେ ଚିହ୍ନଟ ପରେ ପଜିଟିଭ୍ ସଂଖ୍ୟା ୫୭ ହୋଇଛି। ବଲାଙ୍ଗୀରରୁ ଜଣେ ପଜିଟିଭ୍ ସ୍ପଷ୍ଟ ହେବା ପରେ ସଂଖ୍ୟା ୯ରେ ପହଞ୍ଚିଛି। ମାଲକାନଗିରିରୁ ଆଉ ୫ ଚିହ୍ନଟ ହେବା ପରେ ପଜିଟିଭ୍ ସଂଖ୍ୟା ୮ ହୋଇଛି। କନ୍ଧମାଳରୁ ଆଉ ୨ ଚିହ୍ନଟ ପରେ ପଜିଟିଭ୍ ସଂଖ୍ୟା ୫ ହୋଇଛି। ଝାରସୁଗୁଡ଼ାରୁ ୩ ନୂଆ ଆକ୍ରାନ୍ତ ଚିହ୍ନଟ ପରେ ଜିଲାରେ ପଜିଟିଭ୍ ସଂଖ୍ୟା ୫ ହୋଇଛି।
ମୋଟାମୋଟି ଭାବେ ଦେଖିବାକୁ ଗଲେ ଏବେ ଯାଜପୁର ରାଜ୍ୟର ଦ୍ୱିତୀୟ ସର୍ବାଧିକ କରୋନା ଆକ୍ରାନ୍ତ ଜିଲା ରହିଛି। ଏହାପରେ ବାଲେଶ୍ୱରରେ ମୋଟ ଆକ୍ରାନ୍ତ ସଂଖ୍ୟା ୧୨୮, ଭଦ୍ରକରେ ୯୮, ଖୋର୍ଦ୍ଧାରେ ୭୪, ପୁରୀରେ ୬୫, କଟକରେ ୫୭, କେନ୍ଦ୍ରାପଡ଼ାରେ ୪୦, ସୁନ୍ଦରଗଡ଼-ବୌଦ୍ଧରେ ୩୩, ନୟାଗଡ଼ରେ ୩୨, ଜଗତସିଂହପୁରରେ ୩୦, ଅନୁଗୋଳରେ ୧୯, ମୟୂରଭଞ୍ଜରେ ୧୪, କଳାହାଣ୍ଡିରେ ୧୩, କେନ୍ଦୁଝରରେ ୧୧, ବଲାଙ୍ଗୀରରେ ୯, ମାଲକାନଗିରିରେ ୮, ସମ୍ବଲପୁର-ଝାରସୁଗୁଡ଼ାରେ ୫, ଗଜପତିରେ ୪, ଢ଼େଙ୍କାନାଳ-ଦେବଗଡ଼ରେ ୨, ନବରଙ୍ଗପୁର-କୋରାପୁଟରେ ୧ ରହିଛି।
