ପ୍ରସିଦ୍ଧ ଅଭିନେତା ଅମୁଲ ପାଲେକର ଦୀର୍ଘ ୨୫ ବର୍ଷ ପରେ ପରଦାକୁ ଫେରୁଛନ୍ତି। ସେ ଥ୍ରୀଲିଙ୍ଗ ଡ୍ରାମା ହିନ୍ଦୀ ପ୍ଲେ ‘କୁସୁର’ରେ ନଜର ଆସିବେ। ‘କୁସୁର’ର କାହାଣୀ ସନ୍ଧ୍ୟା ଗୋଖଲେ ଲେଖିଛନ୍ତି। ଏଥିରେ ଜଣେ ଅବସରପ୍ରାପ୍ତ ଏସିପି ଦଣ୍ଡବତେ ଚରିତ୍ରରେ ନଜର ଆସିବେ ୭୩ ବର୍ଷୀୟ ଅମୋଲ। ଜଣେ କଳାକାର ଭାବେ ଏ ବୟସରେ ଏଭଳି ଭୂମିକାରେ ଅବତୀର୍ଣ୍ଣ ହେବା ମୋ ପାଇଁ ବେଶ୍ ଚ୍ୟାଲେଜିଂ ହୋଇଛି ବୋଲି ସେ କହିଛନ୍ତି। ଏହି ପ୍ଲେର ପ୍ରିମିୟର ଟାଟା ଥିଏଟର, ଏନସିପିଏ ଏବଂ ମୁମ୍ବାଇରେ କରାଯିବ। ଅମୋଲ ଫିଲ୍ମ କ୍ୟାରିୟର ଆରମ୍ଭ ୧୯୭୧ରେ ମରାଠି ଫିଲ୍ମରୁ ଆରମ୍ଭ କରିଥିଲେ। ୧୯୭୪ରେ ସେ ଫିଲ୍ମ ‘ରଜନୀଗନ୍ଧା’ ଜରିଆରେ ବଲିଉଡ୍ରେ ପ୍ରବେଶ କରିଥିଲେ।
