ଭୁବନେଶ୍ୱର, ୩୧।୧୨(ବ୍ୟୁରୋ): ରାଜ୍ୟ ସରକାର ୧୪ ଡିଏସ୍ପିଙ୍କୁ ଅତିରିକ୍ତ ଏସ୍ପି ର଼୍ୟାଙ୍କ୍କୁ ପଦୋନ୍ନତି ଦେଇଛନ୍ତି। ସେମାନଙ୍କ ମଧ୍ୟରୁ ପୋଲିସ ମୁଖ୍ୟାଳୟରେ ଥିବା ଡିଏସ୍ପି ପ୍ରଦୀପ କୁମାର ଜାଲିଙ୍କୁ ଭୁବନେଶ୍ୱର ବାଣିଜ୍ୟ ଓ ପରିବହନ ବିଭାଗକୁ ନିଯୁକ୍ତ ଦିଆଯିବା ସହ ରୋଡ୍ ସେଫ୍ଟି ସେଲ୍ ଅତିରିକ୍ତ ଦାୟିତ୍ୱ ମଧ୍ୟ ମିଳିଛି। ସୋନପୁର ଡିଆଇବିରେ ଡିଏସ୍ପି ଥିବା ମନୋରଞ୍ଜନ ପ୍ରଧାନଙ୍କୁ ବଲାଙ୍ଗୀର ଅତିରିକ୍ତ ଏସ୍ପି, ବୌଦ୍ଧ ଡିଆଇବି ଡିଏସ୍ପି ଥିବା ବିପିନ ବିହାରୀ ବେହେରାଙ୍କୁ କନ୍ଧମାଳ ଆଇୟୁସିଏଡବ୍ଲ୍ୟୁକୁ ବଦଳି କରାଯାଇଛି। କମିଶନରେଟ ପୋଲିସରେ ଏସିପି ଥିବା ପ୍ରମୋଦ କୁମାର ରଥଙ୍କୁ ଅତିରକ୍ତ ଡିସିପିଭାବେ କମିଶନରେଟ ପୋଲିସରେ ଅବସ୍ଥାପିତ କରାଯାଇଛି। କଟକ ପିସିଆର ସେଲ୍ରେ ଥିବା ଇତିକାନ୍ତ ମହାପାତ୍ରଙ୍କୁ କଟକ ଏଚ୍ଆରପିସିକୁ ଅତିରିକ୍ତ ଏସ୍ପିଭାବେ ଦାୟିତ୍ୱ ଦିଆଯାଇଛି। ବାଲେଶ୍ୱର ଡିଆଇବିରେ ଥିବା ସୁଦାମ ଚରଣ ସାହୁଙ୍କୁ ମୟୂରଭଞ୍ଜ ଜିଲାର ଅତିରିକ୍ତ ଏସ୍ପିଭାବେ ବଦଳି କରାଯାଇଛି। ସୋନପୁର ଆଇୟୁସିଏଡବ୍ଲ୍ୟୁରେ ଥିବା ସୟଦ ମୁଜିବୁର ରହମାନଙ୍କୁ ବଣାଇକୁ ଅତିରିକ୍ତ ଏସ୍ପିଭାବେ ବଦଳି କରାଯାଇଛି। ଭୁବନେଶ୍ୱର ଟ୍ରାଫିକ ଏସିପି କିଶୋର କୁମାର ପାଣିଗ୍ରାହୀଙ୍କୁ ଇଓଡବ୍ଲ୍ୟୁକୁ ପୂର୍ବରୁ ବଦଳି ହୋଇଥିଲା। ତାହାକୁ ବାତିଲ କରାଯାଇ କମିଶନରେଟ ପୋଲିସରେ ଅତିରିକ୍ତ ଡିସିପିଭାବେ ଅବସ୍ଥାପିିତ କରାଯାଇଛି। ସେହି ପଦବୀରେ ଥିବା ଅମରେଶ କୁମାର ପଣ୍ଡାଙ୍କୁ ବଦଳି କରାଯାଇଛି। ଇଣ୍ଟେଲିଜେନ୍ସରେ ଥିବା ଡିଏସ୍ପି ଜ୍ଞାନରଞ୍ଜନ ମହାପାତ୍ରଙ୍କୁ ପଦୋନ୍ନତି ମିଳିବା ପରେ ଇଣ୍ଟେଲିଜେନ୍ସର ଅତିରିକ୍ତ ଏସ୍ପିଭାବେ ଅବସ୍ଥାପିତ କରାଯାଇଛି। ଇଣ୍ଟେଲିଜେନ୍ସିରେ ଥିବା ଡିଏସ୍ପି ରଶ୍ମିକାନ୍ତ ମିଶ୍ରଙ୍କୁ ଇଣ୍ଟେଲିଜେନ୍ସର ଅତିରିକ୍ତ ଏସ୍ପିଭାବେ ନିଯୁକ୍ତି ମିଳିଛି। ବଣାଇ ଏସ୍ଡିପିଓ ଥିବା ଅବକାଶ ରାଉତରାୟଙ୍କୁ ରାଉରକେଲା ଅତିରିକ୍ତ ଏସ୍ପି, ସୁନ୍ଦରଗଡ ଡିଆଇବିରେ ଥିବା ରାମପ୍ରସାଦ ସାହୁଙ୍କୁ ରାୟଗଡା ଆଇୟୁସିଏଡବ୍ଲ୍ୟୁକୁ ଅତିରିକ୍ତ ଏସ୍ପିଭାବେ ବଦଳି କରାଯାଇଛି। ଇଣ୍ଟେଲିଜେନ୍ସରେ ଡିଏସ୍ପି ଥିବା ଭବାନୀକାନ୍ତ ପଟ୍ଟନାୟକଙ୍କୁ ଯାଜପୁର ଅତିରିକ୍ତ ଏସ୍ପି, କମିଶନରେଟ ପୋଲିସରେ ଅତିରିକ୍ତ ଡିସିପି ଥିବା ଅମରେଶ କୁମାର ପଣ୍ଡାଙ୍କୁ ଅତିରିକ୍ତ ଏସ୍ପି ଭାବେ ସମ୍ବଲପୁରକୁ ବଦଳି କରାଯାଇଛି।
