ବେଙ୍ଗାଲୁରୁ,୨୯।୭: କର୍ନାଟକ ମୁଖ୍ୟମନ୍ତ୍ରୀ ଭାବେ ଶପଥ ନେବା ପରେ ସୋମବାର ବହୁମତରେ ବିଜୟୀ ହୋଇ ଶାସନ କରନ୍ତୁ ଯେଦୁରପ୍ପା, ଆମେ ତାଙ୍କୁ ସହଯୋଗ କରିବୁ ବୋଲି କହିଛନ୍ତି ପୂର୍ବତନ ମୁଖ୍ୟମନ୍ତ୍ରୀ ଏଚ୍ଡି କୁମାରସ୍ବାମୀ। ସେମାନଙ୍କ ୧୦୫ ଭୋଟକୁ ଆମେ କେବେବି କମାଇବାକୁ ଚେଷ୍ଟା କରିବୁନି ବୋଲି ସେ କହିଛନ୍ତି। ଏଚ୍ଡି କୁମାରସ୍ବାମୀଙ୍କର ମେଣ୍ଟ ସରକାରକୁ ଅଯୋଗ୍ୟ କହି ଆସ୍ଥା ଭୋଟରେ ଜିତିବା ପରେ ଏବେ ଶାସନ କ୍ଷମତାକୁ ହାତକୁ ନେଇଛି ଭାଜପା। ତେବେ ଭାଜପା ଯେଉଁ ଅଭିଯୋଗ କରିଥିଲା କି କୁମାରସ୍ବାମୀଙ୍କ ମେଣ୍ଟ ସରକାର ଠିକ୍ ଥିଲା କିନ୍ତୁ ପ୍ରଶାସନ ସ୍ଥାଣୁ ପାଲଟି ଯିବାରୁ ବହୁଦିନ ତିଷ୍ଠି ପାରିଲାନି ସରକାର। ଏଥର ୟେଦୁରପ୍ପାଙ୍କ ସରକାର ଚାଷୀ ଓ ମରୁଡି ସମସ୍ୟାକୁ ଗୁରୁତ୍ୱ ଦେବା କଥା କହିଛନ୍ତି। ତେଣୁ ଆଗାମୀ ଦିନରେ ସେ ଏହାକୁ କେତେ ଗୁରୁତ୍ୱ ଦେଉଛନ୍ତି ତାହା ଦେଖିବା କଥା ବୋଲି କହିଛନ୍ତି କୁମାରସ୍ବାମୀ।
