ନରାଜ,୧୦।୩ (ଡି.ଏନ୍.ଏ.): ହୋଲିରେ ରଙ୍ଗ ଖେଳି ଗାଧୋଇବା ବେଳେ କଟକ ଜିଲା ବାରଙ୍ଗ ଥାନା ଅନ୍ତର୍ଗତ ନରାଜ ବ୍ୟାରେଜ ଅରିଲ ଗ୍ରାମ ନିକଟ କାଠଯୋଡ଼ି ନଦୀରେ ବୁଡି ମଙ୍ଗଳବାର ଜଣେ ବାଳକ ନିଖୋଜ ହୋଇଯାଇଛନ୍ତି। ସେ ହେଲେ ଭୁବନେଶ୍ୱରର ଏକ ଘରୋଇ ସ୍କୁଲର ଛାତ୍ର ଶାଶ୍ୱତ ସାହୁ।
ଖବରରୁ ପ୍ରକାଶ, ଶାଶ୍ୱତ ତାଙ୍କ ୨ଜଣ ପୁଅ,୨ଜଣ ଝିଅ ବନ୍ଧୁଙ୍କ ସହ ଅପରାହ୍ନ ୧ଟା ସମୟରେ ନଦୀରେ ଗାଧୋଇବା ଲାଗି ଆସିଥିଲେ। ଏହି ସମୟରେ ଅସାବଧାନତା ବଶତଃ ଗୋଡ଼ ଖସିଯିବାରୁ ଶାଶ୍ୱତ ନଦୀସ୍ରୋତରେ ଭାସିଯାଇ ବୁଡିଯାଇଛନ୍ତି। ଖବର ପାଇ ସିଡିଏ ଅଗ୍ନିଶମ ବିଭାଗ, ଏନ୍ଡିଆର୍ଏଫ୍ ଟିମ୍ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି।
ସୂଚନାଯୋଗ୍ୟ, ଅନ୍ୟ ଏକ ଘଟଣାକ୍ରମରେ ମଙ୍ଗଳବାର କଟକ ନିକଟ ୪୨ମୌଜାର କାଠଯୋଡ଼ି ନଦୀରେ ବୁଡି ଦୁଇ ବାଳକଙ୍କ ମୃତ୍ୟୁ ହୋଇଛି। ମୃତକଦ୍ବୟ ହେଲେ ନିଶାନ୍ତ ପାଢ଼ୀ ଏବଂ ସୁଭମ କୁମାର ବେହେରା। ଉଭୟଙ୍କ ଘର ନେତାଜୀ ନଗରର ହୋଇଥିବା ବେଳେ ସେମାନେ ଅଷ୍ଟମ ଶ୍ରେଣୀର ଛାତ୍ର ବୋଲି ଜଣାପଡ଼ିଥିଲା। ହୋଲି ଖେଳିବା ପରେ ଉଭୟ ନଦୀରେ ଗାଧୋଇବାକୁ ଯାଇଥିଲେ। ସେଠାରେ ଗୋଡ଼ ଖସିଯିବାରୁ ସେମାନେ ମଧ୍ୟ ବୁଡି ଯାଇଥିଲେ।
